Heshtje tek Elbasani, e ardhmja e skuadrës në dyshim

Ndonëse në Elbasan askush nuk di asgjë se çfarë do të bëhet me të ardhmen, nëse pronarët e rinj të klubit do të investojnë ose jo, minimumi që do të kenë si objektiv për sezonin që vjen, do të jetë ngjitja në Kategorinë e Parë. Nuk dinë se çfarë do të bëhet, pasi askush nuk është në mendjen e tyre dhe për aq kohë sa nuk janë ulur të diskutojnë konkretisht për të ardhmen, çdo skenar është i mundshëm. Megjithatë, skenari që ka më shumë mundësi të ndodhë, është që të synojnë ngjitjen, sepse mendohet se do të gjenden aq para sa për të bërë një skuadër konkurrente. Por, edhe nëse kjo gjë nuk ndodhë dhe nuk do të ketë investime, do të mjaftonin edhe futbollistë nga ekipet e moshave, bashkangjitur me një pjesë të ekipit aktual për të formuar deri-diku një grup që të pretendojë ngjitjen sërish në të Parën. Vladimir Mema