Ngjitet pas 13 vitesh, ekipi historik i Belgjikës do Hasin
Antverp planifikon arritje madhore me trajnerin gjakovar
Historia që ka bërë me Anderlehtin e ka shënuar emrin e Besnik Hasit me germa të arta në futbollin belg. Për këtë, një nga skuadrat me më shumë popullaritet në këtë vend ka kërkuar trajnerin shqiptar që të marrë drejtimin për edicionin e ardhshëm.
H
Antverp është ekipi më i vjetër në Belgjikë dhe ka siguruar në këtë edicion ngjitjen në elitën e futbollit belg. Skuadra belge është ringjitur në nivelin më të lartë të kampionatit pas 13 sezonesh dhe menjëherë ka kërkuar që të hedhë themelet për të ndërtuar ekipin që do të qëndrojë në këtë kampionat për disa sezone. Një nga bazat e këtij projekti është pikërisht trajneri. Kjo skuadër, sipas mediave belge, është në kërkim të trajnerit nga Gjakova, Besnik Hasi. Duke parë të shkuarën e këtij të fundit me Anderlehtin, të cilën edhe e shpalli kampion, shihet si kandidati i duhur që mund të ndërtojë një skuadër të denjë për elitën në Belgjikë. N
Sipas mediave belge, trajneri aktual i kësaj skuadre nuk ka arritur të gjejë gjuhën e përbashkët me presidentin
e skuadrës dhe kjo ka bërë që drejtuesit të mendojnë për Hasin që t'i besojnë atij drejtimin e ekipit për edicionin e ardhshëm. Ish-trajneri i Anderlehtit mund të rikthehet edhe një herë në Belgjikë, por për të sfiduar këtë klub dhe skuadrat e tjera në
kërkim të vendeve të nderit në renditje. Gjithsesi, në lajmin e bërë me dije nga mediat nënvizohet fakti që Hasi është i prirur për të marrë drejtimin e një skuadre Kombëtare. Tashmë mbetet për t'u parë se çfarë do të ndodhë me teknikun shqiptar.