"Falënderoj Zotin që sot jam pjesë e Juventusit"

Huan Kuadrado është më i lumtur se kurrë që sot e kësaj dite është pjesë e Juventusit. Transferimi në Torino e ka bërë atë jo vetëm një futbollist më të zotin, por edhe një person më serioz dhe të fortë, dhe këtë është vetë kolumbiani që e pranon. "Çdo ditë që kalon falënderoj Zotin që Juventusi pati besim tek unë. Ata jo vetëm më pritën që të ambientohesha, por këmbëngulën që të më mbanin dhe më pas të sakrifikojnë edhe shumë miliona euro për të më bërë të tyrin. Kjo është gjithçka kam dashur në botë, sepse këtu te Juventusi jo vetëm jam bërë lojtari më i mirë që mund të isha, por edhe një person më i fortë. E gjithë kjo, vetëm falë punës e mbështetjes që më japin jo vetëm shokët e skuadrës, por edhe stafi teknik, drejtues dhe tifozët".