Blerja e Realit: Mesi, më i mirë se Ronaldo
Reali i Madridit realizoi një blerje me të vërtetë surprizuese pak ditë më parë, kur pagoi plot 45 milionë euro për kartonin e 16- vjeçarit Vinicius Zhunior. Futbollisti do të luajë me gjigantët spanjollë vetëm pas dy vitesh, pasi të jetë rritur më tepër në aspektin profesional. Gjithsesi, ai ka dhënë një deklaratë pak kohë më parë që mund t'ua prishë qejfin tifozëve të ekipit të tij të ardhshëm. I pyetur se kush është më i mirë, midis Kristianos dhe Mesit, ai ka zgjedhur yllin argjentinas. Më tej, ka zbuluar edhe idhullin e tij, që gjithashtu do ta ketë kundërshtar. "Dua t'i dërgoj një përqafim Nejmarit. Ai është idhulli im. I ndjek videot e tij për të mësuar më tepër. Kam edhe dy vite kohë, para se të transferohem te Reali. Jam i përqendruar te puna me Flamengon, pasi kam ende shumë punë për të bërë", deklaroi Vinicius.