Pelegrino: Barçën e mund me... moviolë
Trajneri i Alaveshit nuk i ka humbur shpresat për të fituar Kupën e Mbretit, kur në finale do të përballet me një kundërshtar të vështirë si Barcelona. Në fakt, ai bën edhe ironi me arbitrimin që pritet. "Ne kemi ardhur deri këtu dhe nuk do të dorëzohemi lehtësisht. Do të japim më shumë se maksimumi ynë, pasi mund të sigurojmë një trofe të rëndësishëm. Barcelona ka diferenca, por ne mund t'i thyejmë nëse në fushën e lojës do praktikohet edhe moviola televizive nga arbitrat", deklaroi Pelegrino duke qeshur. "Lojtarët nuk tremben nga asnjë rival, kushdo qoftë ai. Katalanasit nuk po kalojnë një moment shumë të mirë psikologjik dhe ne duhet të përfitojmë", shtoi trajneri i Alaveshit.