Donaruma duhet të vazhdojë te Milani
Sebastiano Rosi në një intervistë për kanalin e klubit nuk ka kursyer komplimentet për trajnerin Montela. Ai e cilësoi si të jashtëzakonshëm trajnerin kuqezi, pasi me një skuadër të mbushur me lojtarë të huazuar diti të krijojë një fizionomi loje që i solli Milanit një vend të gjashtë, duke siguruar pjesëmarrjen në Ligën e Europës. Sipas Rosit, me dëmtimet e lojtarëve kryesorë në fazën e dytë ishte e pamendueshme të arriheshin trofe. Ish-portieri nuk kurseu edhe një këshillë për Donaruman: "Ka ecur shumë mirë, por që tani e tutje nuk do t'i falin asnjë gabim. Milani duhet të bëjë të pamundurën për ta mbajtur në skuadër, pasi trofetë vijnë me lojtarë cilësorë si ai, apo edhe Romanjoli".