"Drejtuesit e Djallit kanë shfaqur interes për Shik"
Me largimin e Bakës e ndoshta edhe atë të Lapadulës, Milani ka nevojë për sulmues. Përveç të deklaruarit Morata, kuqezinjtë synojnë edhe një tjetër përforcim në sulm. Pas kandidaturave të Kaliniç, Keita apo Gomez, drejtori sportiv Mirabeli ka kërkuar informacione mbi Patrik Shik të Sampdorias. Për lojtarin interesohen prej kohësh Interi dhe Juventusi, por tashmë "në valle" ka hyrë edhe Milani. Lajmi u konfirmua nga vetë presidenti dorian: Masimo Ferrero, i cili deklaroi: "Shumë klube interesohen për sulmuesin Shik dhe shumica ka kontaktuar me bashkëpunëtorët e mi. Personalisht kam folur vetëm me Milanin dhe Napolin, por sidoqoftë dëshira jonë është ta mbajmë lojtarin edhe për të paktën një vit në Xhenova, pastaj do të vlerësojmë ofertat".