Ngatërron Kinalian me një... shenjtor
Ivanka Tramp, në një restorant të Romës ku ishte së bashku me bashkëshortin, pyeti pronarin e restorantit se e cilit shenjtor ishte një fotografi e varur në mur. Në fakt, ishte fotoja e ish-futbollistit Xhorxho Kinalia, qendërsulmues i Lacios së titullit të dytë kampion në histori. Ndoshta, Ivanka u ngatërrua pasi fotoja e Kinalia ishte varur mes një kryqi dhe portretit të Padre Pios. Gjithashtu, në foto ish-sulmuesi ka shikimin të drejtuar drejt qiellit. Kinalia ka luajtur edhe në SHBA, me Nju Jork Kozmos, në periudhën 1976-1983, duke u shndërruar në një nga futbollistët më të famshëm të Amerikës. Por, për vajzën e Presidentit Donald Tramp, në vizitë zyrtare në Romë, ai ishte krejtësisht i panjohur.