Nga Mbape te Sançez, ja emrat e "heronjve" të verës
Skuadra bavareze gjatë kohëve të fundit ka kërkuar një ndryshim në strategjinë për merkaton e kësaj vere. Pas një deklarate të kreut Hënes, u tha se: "Nëse kërkojmë një lojtar të rëndësishëm do të na duhet të investojmë më tepër se më parë". Por cilët janë superyjet që nënkupton Hënes? Emrat më të përfolur gjatë këtij sezoni janë: VERRATI- Trajneri italian Ançeloti i njeh vlerat e Marko Verratit mjaft mirë, ndaj edhe përpjekjet për ta bërë pjesë të skuadrës nuk kanë qenë të pakta. Për këtë arsye, skuadra është në pritje të një përgjigjeje pozitive gjatë kësaj vere. GRIZMAN- Një prej emrave më të dëshiruar dhe të përfolur për sezonin e ardhshëm është ai i Antuan Grizman, sulmuesit kyç të Atletikos. MBAPE-Ai i cili është komentuar si talenti më i mirë i kohërave të fundit dhe një prej shifrave më të çmendura në treg është sulmuesi i Monakos, Kilian Mbape, i cili është një prej synimeve të Bajernit për këtë verë.
SANÇEZ-I shumëpërfolur gjatë këtyre dy ditëve është edhe Aleksis Sançez, kiliani i cili thuhet se do të jetë së shpejti pjesë e radhëve bavareze.