Boateng zbulon kundërshtarët më të vështirë
Zherom Boateng ka zbuluar se cilët janë kundërshtarët më të fuqishëm sipas tij. Në një intervistë për mediat gjermane, mbrojtësi bavarez ka thënë: "Mesi dhe Ronaldo janë më të vështirët për t'u mbrojtur, gjithashtu mund të përfshij këtu edhe Eden Hazard, Nejma dhe Karim Benzema". Ai vazhdon: "Mesi nuk mund të ndalet, nëse nuk e ndal vetja e tij. Sa i përket Ronaldos, ai gjatë ndeshjeve të fundit është fokusuar më shumë te konkluzioni sesa te driblimet. Kjo gjë e bën atë më të vështirë për t'u mbrojtur, pasi ai ka një shpejtësi të paimagjinueshme dhe ndalet vetëm në portë".