Hop kërkon zgjatje kontrate me Naglesman

Trajneri i skuadrës së Hofenhaimit, Julian Nagelsman, ka transformuar ekipin në një kandidat të denjë për Europa Ligën. Performanca e tij si trajner ka lënë mbresa në shumë skuadra, të cilat tashmë kërkojnë blerjen e tij. Presidentit bavarez, Uli Hënes, ka folur me superlativa për Nagelsman mbi sezonin 2016-2017, duke i lënë dyert hapur për një të ardhme jo shumë të largët në skuadrën e Bajernit. Për këtë arsye, kreu i Hofenhaimit, Ditmar Hop, është në dijeni të vlerës dhe kërkesave për trajnerin e tij, Naglesman. Për këtë, ai është duke menduar edhe një rinovim të kontratës së tij. "Kam shpresa se ai do të vazhdojë më gjatë me ne", ka thënë Hop.