Bashkia Kamzë nis rregullimin e palestrës në Bathore

Në vëmendjen e Bashkisë Kamzë, përveç investimit në infrastrukturën urbane, është edhe përmirësimi i mëtejshëm i infrastrukturës sportive. Sipas këtij institucioni, një ndër objektet e rëndësishme ku do të investojë Bashkia Kamzë është edhe rregullimi i fushës së palestrës në Bathore. Për shkak të reshjeve të dendura të shiut gjatë viteve të fundit, janë dëmtuar objekte shkollore dhe sportive, siç është palestra dhe shkollat që ndodhen afër saj. Kësisoj Bashkia do të ndërhyjë edhe për rregullimin e palestrës, me qëllimin për të qenë në kushte sa më të mira për sezonin e ardhshëm. Edicionet e fundit, skuadra e Kamzës në basketboll për meshkuj ka qenë protagoniste mes kundërshtarëve. Ndërsa kualifikimi në fazën e "play off"-it është kthyer në një objektiv të realizueshëm, kamzalinjtë kanë tentuar edhe fitimin e trofeve kombëtarë.