Probleme me zemrën, kampioni olimpik operohet për herë të dytë
Notari Kili Kalmers, kampioni olimpik 18-vjeçar në garën e 100 metrave stil i lirë, është detyruar të heqë dorë nga kampionati botëror i Budapestit në muajin korrik. I riu australian do të bëjë një ndërhyrje kirurgjikale në zemër për shkak të ripërsëritjes së problemeve me një formë të takikardisë. "Edhe më herët unë kam bërë një ndërhyrje, por për fat të keq nuk shkoi siç duhet. Si gjatë stërvitjeve, por edhe në garë shoh që nuk ka një rrahje optimale të zemrës". Ai theksoi se është një zgjedhje me fokus perspektivën, duke menduar për një afat të gjatë dhe në mënyrë të veçantë Lojërat e Komonuelthit që do të mbahen vitin tjetër në vendlindjen e tij. "Ne sapo kemi nisur ciklin e radhës olimpik, - tha kryetrajneri i kombëtares australiane, Jako Verhaeren, - dhe kemi nevojë që sportistët tanë të elitës të ruhen. Shëndeti është prioritet për të gjithë".