Festë te Kukësi, Gjici jep 100 mijë euro

Shpërblimi/ Presidenti mban fjalën, ja sa morën trajneri dhe lojtarët

Ajo që gazeta lajmëroi në lidhje me shpërblimin prej 100 mijë eurosh ndodhi dje te Kukësi. Presidenti Safet Gjici mbajti fjalën e dhënë, edhe pse të dielën i ftuar në "Rubrika Sportive" mohoi faktin se ai kishte premtuar...

Ajo që gazeta lajmëroi në lidhje me shpër blimin prej 100 mijë eurosh ndodhi dje te Kukësi. Presidenti Safet Gjici mbajti fjalën e dhënë, edhe pse të dielën i ftuar në "Rubrika Sportive" mohoi faktin se ai kishte premtuar 100 mijë euro premio për fitoren ndaj Skënderbeut. Ditën e mërkurë presidentit Gjici u konsultua me stafin e tij të ngushtë, ku më pas do të shpërndante shumën e majme që premtoi. Drejtuesit u dërguan listat e lojtarëve dhe emrat e personelit me shumat përkatëse, të cilat presidenti i miratoi nga qyteti i Kukësit, ku ndodhet për fushatën elektorale. Gjici urdhëroi zyrën e financës të xhironin shumën, e cila u shpërnda dje. Të gjithë pjesëtarët e ekipit të Kukësit fërkuan duart nga ky vendim i presidentit Gjici, të cilën e pritën me mjaft gëzim. Lojtarët u lajmëruan gjatë mesditës së djeshme të shkonin të merrnin pjesën që u takonte. Futbollistët ngelën të shtangur kur i por jo të gjithë, pasi lajmin më parë e mësuan nga "Panorama Sport" se të enjten do të shpërndahej premio. Lojtarët titullarë dhe ata që luajtën si zëvendësues u shpërblyen me nga 3 mijë euro për kokë, nga 1500 euro kanë përfituar të gjithë futbollistët e stolit, por presidenti ka menduar edhe për stafin teknik dhe atë administrativ. Për punën e tyre dhe për suksesin e arritur në ndeshjen ndaj Skënderbeut, ata janë shpërblyer me rreth 2 mijë euro secili, përveç trajnerit Gjoka që ka kryesuar listën e stafit me 3 mijë euro shpërblim. SYNIMI

Ndeshja me Luftëtarin nuk ka ndonjë rëndësi të madhe për verilindorët, por kjo nuk do të thotë që skuadra e Kukësit nuk do ta vlerësojë në masën e duhur këtë takim. Presidenti Gjici, por edhe stafi dhe lojtarët kërkojnë me çdo kusht që të mos humbasin, pasi duan që ta mbyllin sezonin pa humbje. Ky do të ishte një rekord absolut

në Shqipëri në lidhje me numrin e ndeshjeve të luajtura brenda një edicioni. Dinamo është klubi që ka mbyllur tri sezone pa humbje në vitet '50, por ndeshjet e luajtur brenda një kampionati kanë qenë më të pakta. Kështu që presidenti Gjici e kërkon dhe këtë rekord në Gjirokastër. CEREMONIA

Për transfertën e Gjirokastrës do të jenë të grumbulluar të gjithë lojtarët, ndonëse vetëm 18 do të përfshihen për ndeshjen. Disa nga titullarët, Pejiç, Hallaçi, Shameti pritet të qëndrojnë pushim, pasi kanë qenë të mbingarkuar këto kohë. Do t'u jepet më shumë hapësira futbollistëve që janë grumbulluar gjithmonë në 18-she, si Guri, Rangel, Kale etj. Të gjithë lojtarët janë të detyruar të udhëtojnë drejt Gjirokastrës, pasi do t'u shpërndahen medaljet. Ceremonia e titullit kampion do të zhvillohet pas përfundimit të takimit ndaj Luftëtarit. Trofeun historik Kukësi pritet që ta marrë nga duart e presidentit të FSHF- së, Armand Duka. Pas marrjes së trofeut në Gjirokastër, të dielën drejtuesit e klubit kanë përgatitur një festë madhështore në qytetin e Kukësit, ku sipas planit ka ftesa edhe për klubet e tjera të Superiores. Te të ftuarit janë edhe dy klubet rivalizuese të Kukësit për titullin kampion, Partizani dhe Skënderbeu.