Partizani dhe Vllaznia, në finale mes spektaklit
Luhen gjysmëfinalet e kampionatit për U-19, triumfojnë të kuqtë dhe shkodranët Demat dhurojnë spektakël në sfidën ndaj Skënderbeut, lamurtari nuk di të shënojë
Vllaznia e Partizani, dy skuadra që krye sonin Grupin A, kanë dalë fituese të takimeve gjysmëfinale, teksa kanë mundur dy ekipet kryesuese të Grupit B, përkatësisht Flamurtarin dhe Skënderbeun. Në këtë mënyrë, Vllaznia dhe Partizani do të diskutojnë titullin kampion për U- 19 në finalen që do të luhet të enjten, në orën 16: 00, në "Elbasan Arena". Dje janë luajtur takimet gjysmëfinale ku të kuqtë kanë fituar 4- 2 ndaj Skënderbeut dhe shkodranët 3-0 përballë Flamurtarit. N ESHJET
Sfida e parë mes të kuqve dhe korçarëve ka prodhuar shumë gola dhe emocione. Skuadrat nuk kishin shumë diferenca për sa i përket lojës, rasteve dhe golave. Një pjesë e parë pothuajse e barabartë si në raste, edhe në gola, por që qarkullimin e topit e zotërojnë të kuqtë e Ylli Shehut. Skuadra e Partizanit e nis mjaft bukur me Haxhiun që në minutën e 4-t godet dy herë drejt portës, por që të dyja kthehen nga portieri. Vatnikaj godet bukur me kokë në të 16-ën dhe topi kalon ngjitur me traversën. Në të 17-ën vjen momenti i parë i korçarëve në portën e Partizanit, kur Liçi me kokë godet jashtë. Në të 21- ën, korçarët tregohen të rrezikshëm, Osmanllari pasi ka marrë një asist nga Liçi, del vetëm me Dajsinanin dhe nuk e ka të vështirë të shënojë, 1-0 për Skënderbeun. Pas një minute e njëjta tablo, por këtë radhë në portën korçare, kur Qori del vetëm me portierin Braçe dhe shënon 1-1. Në fraksionin e dytë loja është edhe më e hapur dhe të dyja skuadrat kërkojnë golin e fitores. Në të 49- ën është kapiteni Bairamaj që godet fort nga jashtë zone, topi përplaset në shtyllën pingule e Vatnikaj e shtyn në rrjetë dhe 2- 1 për Partizanin. Në të 60-tën është Prodani që shënon golin e sigurisë, duke ekzekutuar perfekt një goditje dënimi. Por, korçarët nuk dekurajohen dhe pas 8 minutash arrijnë të rihapin lojën duke shënuar golin e dytë me anë të Osmanllarit. Të kuqtë shënojnë edhe golin e 4-t në shtesë me Haxhiun. Në ndeshjen tjetër mes Vllaznisë dhe Flamurtarit, ka një fitore të pastër 3- 0 për shkodranët. Për gati 18 minuta, porta shkodrane bëhet si një tabelë qitjeje e sulmuesve vlonjatë kur Bocaj, Mara, Maze e Tushi, po dhe mbrojtësi Anxhelo Shkurti tentojnë me goditje të forta, por mungon goli.
Në të 32-ën është talenti shkodran Endi Brahimi që, ashtu si të premten e kaluar ndaj Partizanit, shënon një supergol nga goditje dënimi rreth 25 metra. Në fraksionin e dytë, ndeshja është nën zotërimin e shiut që vjen duke u bërë më i rrëmbyeshëm,
por që u ka sjellë fat shkodranëve. Edhe pse Flamurtari ushtron presion të vazhdueshëm dhe loja bëhet pothuajse në gjysmëfushën shkodrane, janë shkodranët që triumfojnë si me mbrojtësit e pakalueshëm, po ashtu dhe me dy sulmuesit
e shpejtë. Kështu, në të 70- ën është Lekaj që nxjerr të vetëm me portierin Qirko kapitenin shkodran Rajçeviç e ky nuk fal duke shënuar golin e dytë. Në të 90-ën për të qenë më të sigurt është Pusi që realizon golin e tretë.