Vllaznia-Tirana, në dorën e një gjyqtari italian
Operacion sekret i FSHF-së, arbitrat shqiptarë kishin frikë të merrnin përsipër ndeshjen që vendos fatet e dy klubeve legjendë
Bakaj i përgjigjet Martinit: Nuk pranoj kritika nga një bixhozxhi Replikon Martini: Spurdhjak i vogël, ishe kalë troje në Shkodër... Josa dhe Cungu, treni i fundit për dy trajnerët miq Nga Sinani te Fushaj: Jemi të shokuar për këtë situatë Izolohen ekipet, Vllaznia përfundon në Barbullush Ish-kapiteni Sina: Tirana i bëri gabim llogaritë Masa ekstreme nga policia, ja çfarë duhet të dinë tifozët
Vllaznia-Tirana si në shtetrrethim. Drejtoria e Policisë së Shkodrës ka publikuar planin e masave për ndeshjen e sotme, që do të luhet në orën 17:00 në stadiumin "Loro Boriçi". Hyrja për tifozët do të jetë e lirë në të gjithë sektorët e impiantit, ndërsa kontrolli nga forcat e rendit do të nisë që dy orë para ndeshjes. "Drejtoria Vendore e Policisë Shkodër do të marrë një sërë masash teknike dhe organizative për sigurimin e rendit dhe sigurisë publike, para, gjatë dhe pas zhvillimit të ndeshjes. Në kuadër të këtyre masave të parashikuara, informojmë qytetarët që do të ndjekin ndeshjen nga stadiumi se, për mbarëvajtjen normale të aktivitetit, do të marrë disa masa ndaluese dhe kufizuese mbi qarkullimin dhe parkimin e automjeteve në afërsi të stadiumit dhe në akset rrugore që lidhen me të. Për lëvizjen e automjeteve dhe parkimin e tyre do të përdoret Unaza e Qytetit Shkodër, krahu perëndimor, rrugë, e cila do të orientohet dhe monitorohet nga shërbime policore. Nga ora 14:00, nuk do të lejohet parkimi i automjeteve, si dhe do të bëhet largimi i automjeteve të parkuara në këto akse: rruga 'Bujar Bishanaku', (ose rruga e gjerë e Kirasit), duke filluar nga ora 15:00, do të ketë kufizim të qarkullimit rrugor. 'Muhamet Dibra' deri te parkimi i stadiumit do të shërbejë vetëm për ekipet e futbollit dhe personalitetet. Do të ndalohet parkimi dhe lëvizja e automjeteve në rrugën përreth stadiumit nga ora 14:00 deri në orën 21:00. Marrja e këtyre masave bëhet për arsye se rruga 'Bujar Bishanaku' do të jetë e vetmja rrugë kryesore e hyrje- daljes së tifozëve vendës. Hyrja e tifozerisë, me qëllim shmangien e konfuzionit, do të nisë në orën 15:00. Kërkojmë mirëkuptimin e tifozëve që do të marrin pjesë në këtë aktivitet në respektimin dhe zbatimin e këtyre masave duke shmangur njëkohësisht mbajtjen me vete dhe futjen në ambientet e stadiumit të sendeve të forta, borive, shisheve të çfarëdo lloji, fishekzjarrëve, monedhave apo sendeve metalike, pasi në hyrje do të kontrollohen fizikisht të gjithë. Njoftojmë administratorët e bizneseve që zhvillojnë aktivitet përreth dhe në afërsi të stadiumit, të tregohen mirëkuptues duke i mbyllur aktivitetet në orën 14:00", citohej në njoftimin e policisë. A.Uruçi