Çelsi dhe Arsenali, “shkëndija” për kupën
“Fitorja e titullit na penalizon, ‘topçinjtë’ më të uritur se ne”
Sot, në orën 18:30, në "Uembli", do të luhet finalja e "FA Cup", ndërmjet Arsenalit dhe Çelsit. Finalja e këtij trofeu është lënë për në fund të sezonit, ku përballë do të jenë dy ekipet londineze. Kjo ndeshje është shumë e rëndësishme, jo vetëm për lojtarët dhe trajnerët, por edhe për fansat gjithashtu, pasi rivaliteti ndërmjet këtyre dy ekipeve është shumë i madh. Shtatë nga tetë ndeshjet e fundit të vlefshme për Kupën mes Çelsit dhe Arsenalit janë fituar nga këta të fundit. Çelsi arriti të mposhte Arsenalin në gjysmëfinalen e vitit 2009, por kjo ishte fitorja e vetme e tyre në një ndeshje FA Cup në 70 vitet e fundit. Në total, dy skuadrat janë përballur me njëra- tjetrën 13 herë në këtë kompeticion, me Arsenalin që ka fituar 8 herë dhe Çelsin që ka triumfuar vetëm 5 herë. Kjo është finalja e dytë mes dy skuadrave të Londrës në 35 vitet e fundit. E para ishte në vitin 2002, kur Arsenali mposhti Çelsin për të bërë dopietë titujsh.
"ATA JANË MË TË URITUR" - Në konferencën për shtyp përpara finales, Antonio Konte i ka këshilluar të tijtë të jenë të kujdesshëm kundër Arsenalit.
E prisnit ta fitonit Premier Ligën që në vitin e parë?
Sinqerisht që jo. Murinjo kishte bërë historinë këtu, por Çelsi vinte nga një vend i 10të dhe kishte shumë probleme. Shumë persona kishin dyshime mbi metodat e mira, por fitorja e këtij titulli nuk më kënaq vetëm mua, por të gjithë ekipin. Ushtarët shkojnë në luftë, por nëse nuk kanë dëshirë të shkojnë, është e pamundur të kesh një gjeneral të mirë.
Kjo sfidë çfarë ju ka mësuar?
Kam gjetur te vetja një durim që nuk e mendoja se mund ta kisha, tani ndihem më i kompletuar dhe më i mirë se më parë.
Nesër (sot) është finalja e "Kupës FA", do të ishte historike nëse fitoje "dopietën"
Në fillim të sezonit nuk na llogarisnin as në katër të parët, tani jemi në finale të këtij trofeu, por këtë ndeshje nuk e nisim si favoritë. Kemi fituar Premier Ligën dhe kam frikë se mund ta neglizhojmë këtë ndeshje. Nuk e kemi të njëjtën uri si Arsenali, i cili me fitimin e këtij titulli do të shpëtonte sezonin. Ata janë më të uritur se ne dhe në këtë sport "oreksi" është gjithçka.
Motivimi është më rëndësishëm se gjithçka?
Jo, ajo të ndihmon të fitosh vetëm një ndeshje. Organizimi
i
i mirë taktik është dominues, ajo të çon drejt suksesit.
Keni mundur edhe Mançesterin e Murinjos, me të cilin ju kanë krahasuar. E keni tejkaluar?
Ne jemi "kafshë" në fushë, gjatë ndeshjes jemi të gatshëm të bëjmë gjithçka që ta
çojmë ekipin drejt fitores. Në terrenin e fushës ekziston vetëm një rregull: Vdekja jote, jeta ime. E rëndësishme është që midis nesh ekziston respekti. Kur përfundon ndeshja, mbaron gjithçka
E ardhmja, akoma te Çelsi? Kam akoma dy vite kontratë
këtu dhe nuk kam ndër mend të largohem, me Abramoviç po projektojmë të ardhmen. Një bazë të mirë lojtarësh e kemi, tani duhet vetëm të shtojmë qershinë mbi tortë, që të jemi konkurrues edhe në Ligën e Kampioneve.