Kupa, te Dortmundi “betohen” për fitore
Tuhel: Ende nuk kemi përgjigje konkrete për Aubamejangun
Në prag të finales së kupës së Gjermanisë ndaj Frankfurtit, trajneri i skuadrës së Dortmundit, Tomas Tuhel, dhe kapiteni i skuadrës, Marsel Shmelcer kanë folur në konferencën për shtyp mbi këtë ndeshje.
Si ndiheni përpara kësaj sfide?
Tuhel: Emocionet janë të mëdha. Të luash në Berlin është një ndjesi e papërshkrueshme.
A ka ndikuar në skuadër mungesa e Rojsit?
Tuhel: Jam më se i lumtur që ai është mirë. Ai është një lojtar, i cili mund ta themi pa dyshim që kryeson ekipin.
Si e shihni ndeshjen ndaj Frankfurtit?
Tuhel: Nëse arrijmë të fitojmë, do t'i jepnim sezonit një mbyllje të veçantë. Megjithatë, kjo do të jetë një sfidë e vështirë kundrejt një kundërshtari të fuqishëm, ndaj do të mundohemi të japim maksimumin.
A do të aktivizohet Rojs në këtë sfidë?
Tuhel: Rojs luan një rol mjaft të rëndësishëm sikurse e thashë, ndaj do të jetë i pranishëm që prej fillimit të ndeshjes.
Mendoni se Aubamejang do të largohet gjatë kësaj vere?
Tuhel: Deri më tani, nuk kemi ende një përgjigje konkrete mbi largimin e Aubamejangut. Unë ndihem i qetë, pasi e di se skuadra ka besim tek unë dhe te njëri-tjetri.
A ju kanë penguar zërat mbi konfliktin tuaj me kreun e klubit?
Tuhel: Unë mendoj se të gjithë zërave lidhur me këtë temë, dita e sotme do t'u japë një përgjigje në bazë të rezultatit që do të japim në fushë si skuadër.
A jeni gati për ndeshjen ndaj Frankfurtit?
Shmelcer: Sapo kam përfunduar stërvitjen me skuadrën. Në prag të ndeshjes jo vetëm unë, por e gjithë skuadra është e gatshme dhe e përgatitur për t'u kthyer në shtëpi me titullin.
A do të luajë Pizçek gjatë kësaj sfide?
Tuhel: Jam i bindur që
Pizçeku do të jetë aty për ne. Ai ka një rëndësi të madhe për skuadrën, gjithmonë një profesionist në fushë, i qeshur dhe mbi të gjitha i njeh mirë finalet. Pikërisht për lojtarë të tillë kemi nevojë në këto sfida.
Cili është objektivi skuadrës?
i
Tuhel: Ne gjithmonë kemi marrë diçka nga çdo finale e luajtur. Gjithashtu jemi shumë të lumtur që kemi mundur të arrijmë një fitore sikurse ka qenë ajo e 2012-ës. Qëllimi ynë është që të fitojmë trofeun, pasi e gjithë skuadra është tejet e fokusuar në këtë objektiv.