Hënes dhe Rumenige, ja ku ndahen për objektivat
Drejtori i përgjithshëm i bavarezëve: Champions-i është më i rëndësishëm se kampionati
Gjatë këtij sezoni, diçka është e qartë për skuadrën bavareze, largimi nga Champions- i do të mbetet diçka e hidhur, aq më tepër për kreun bavarez Rumenige. Lidhur me këtë pjesë, ai ka thënë: "Nëse shohim edhe një herë pas, e gjithë situata e krijuar ende dhemb. Sidomos gjykimi i arbitrit, gjë të cilën nuk e kam parë prej 40 vitesh karriere". Lidhur me fundin e sezonit, fjalët e krerëve Rumenige dhe Hënes bien ndesh me njëritjetrin. Ndërsa Hënes ka mbetur më se i kënaqur me fitoren e titullit të Bundesligës, Rumenige ka thënë të kundërtën: "Për mua titulli i Bundesligës, pa dyshim që do të mbetet një prej më të guximshmëve, por ai i Champions-it është titulli më i bukur dhe në të njëjtën kohë edhe më i vështiri për t'u arritur". KIMISH SI ZËVENDËS I LAHMIT Një prej planeve kryesorë të skuadrës bavareze për sezonin e ardhshëm ka qenë edhe ai i krijimit të një skuadre sa më profesioniste. Megjithatë, mbi zëvendësuesin e Levandovskit, kreu Rumenige e sheh si një prej detyrave më të vështira, pasi një lojtar aq të mirë është e vështirë të gjendet. Sa i përket zëvendësuesit të Filip Lahmit, ai ka thënë: "Xhoshua Kimish është përfundimisht lojtari që do të luajë në pozicionin e legjendës". Kreu bavarez ka prekur edhe faktin se Lahm nuk ka pranuar postin e drejtuesit sportiv, duke ngelur jo dhe aq i kënaqur nga refuzimi. MEGATRANSFERTAT
Pas marrëveshjes mes Sebastian Rudin dhe Niklas Sylen, transferta të tjera priten në pankinën bavareze. Megjithatë, Rumenige ka dalë në përfundimin se kampionët gjermanë do të sulmojnë për megatransfertat klubet e Premier Ligës. Për këtë, ai ka thënë: "Në princip nuk është e thënë të merren për bazë të gjitha fjalët që mund të vijnë nga këto transferta në Premier Ligë. Skuadrat angleze nuk do të varen nga ne në të ardhmen e tyre, edhe pse filozofia jonë do vazhdojë të jetë ajo e transfertave 100-milionëshe".