Rekord të "kuqesh" në Europë

Jo vetëm sepse luan për këto ngjyra, por sezoni i sivjetshëm i Gabriel Paletës ka qenë në plot kuptimin e fjalës i karakterizuar nga e kuqja dhe e zeza. Ndeshje të dobëta, por edhe shumë kartonë, sidomos nëse flasim për ata të kuq. Me 5 përjashtimet e pësuara këtë sezon, mbrojtësi argjentinas barazon një nga rekordet më negative të kampionatit italian. Primati i përkiste Luixhi Apolonit, i cili në Serinë A 2000-2001 ishte ndëshkuar në pesë raste me masën ekstreme. 31-vjeçari i Milanit, i cili, përveç takimit të djeshëm, është nxjerrë nga fusha edhe në katër herë, respektivisht në ndeshjet ndaj Napolit, Peskarës, Lacios dhe Atalanta. Përveç Italisë, Paleta është edhe mbajtësi i rekordit në fjalë në pesë kampionatet më të mëdha europiane.