Pesë mungesa të sigurta
Trajneri Ilir Daja ka filluar të shqetësohet, pasi nuk ka nën urdhrat e tij plot 5 futbollistë. Lilaj, Malaj dhe Abazi vijojnë të jenë të dëmtuar dhe e kanë mbyllur prej kohësh sezonin, ndërkohë që, krahas tyre, bardhekuqtë do të duhet të bëjnë edhe pa Salihin e Osmanin, të cilët janë të dënuar nga Komisioni i Disiplinës. Lajm i mirë është rikthimi i të pezulluarve nga kartonët: Latifi, Mici dhe Marko Radasi. Gjithsesi, trajneri Daja do të bëjë ndryshime në formacion duke parë edhe gjendjen e futbollistëve që ka në dispozicion. Në sfidën e fundit të kampionatit, bardhekuqtë barazuan 2-2 ndaj Partizanit në një takim që nuk kishte vlerë për asnjë ekip.