Montela qëndron edhe dy vite te Milani

"Synoj objektiva të lavdishme që i shkojnë për shtat historisë së këtij klubi"

Montela dhe Mi lan është një martesë, e cila do të zgjasë ende. Pas prezantimit të punës me sponsorët në Sardenjë, mëngjesin e së martës, trajneri dhe drejtuesit e klubit u takuan në selinë e tyre. Dhe prej andej doli tym i bardhë, ashtu siç lajmi u zyrtarizua direkt në "Facebook", nga vetë Montela dhe drejtuesit Mirabeli dhe Fasone.

FASONE

"Ndodhemi këtu për një moment shumë të rëndësishëm. Kemi konkluduar me Vinçencon për të qëndruar me ne jo vetëm vitin e ardhshëm, por edhe për sezonin 2018-2019", deklaroi administratori i deleguar Fasone. "Këtë vit ai arriti rezultate të shkëlqyera në një edicion të ndërlikuar dhe tranzicioni. Shpresojmë që të jetë një sezon i ri argëtues për tifozët tanë", shtoi ai.

MONTELA

"Jam shumë i lumtur, jam entuziast që do të synojmë objektiva të mëdha së bashku: e përsëris entuziazmin për të vazhduar këtë aventurë", tha nga ana e tij trajneri i kuqezinjve. " Faleminderit për besimin dhe që më lejuat që të vazhdoj të stërvit Milanin për të synuar objektiva të reja dhe të lavdishme që i shkojnë për

shtat historisë së këtij klubi". MIRABELI

"Jam gjendur shumë mirë me Vinçencon në këtë periudhë kohore që kemi punuar së bashku: jam i lumtur që do mund të vazhdoj këtë aventurë me të", përfundon drejtori

sportiv, Mirabeli. "Mbrëmjen e së hënës e lamë për një darkë të vogël për t'u përshëndetur, por nuk mjaftoi shumë për të gjetur marrëveshjen dhe në mëngjes u ritakuam për të firmosur rinovimin e kontratës".