Martiri: Në Kombëtare u thirr kush e ka merituar
“Do të provojmë të përsëritim lojën e vitit të kaluar”
Kombëtarja sh qiptare në volejbol lin e femrave po u jep fund përgatitjeve përpara pjesëmarrjes për të dytin vit radhazi në Ligën e Europës që ngre siparin më 9 qershor. Në një intervistë për "Panorama Sport", trajneri Altin Martiri ul euforinë dhe shpreson për një përsëritje të performancës së edicionit të kaluar.
Si po vijon grumbullimi përpara Ligës së Europës?
Grumbullimi po shkon sipas programit që kemi përcaktuar më herët. Konstatoj që motivimi i vajzave është i mirë.
Së fundmi ju zhvilluat edhe disa miqësore, sa i vlejtën kombëtares?
Këto takime vlejtën për të parë akoma më mirë gjendjen e lojtareve, për të vendosur piketat e formacionit, por që në këto miqësore ne shkonim me disa mungesa. Pra ekipi nuk ka qenë i plotë, por pati rëndësi kjo për nivelin e lojës treguan. Ishte një nivel loje i kënaqshëm. Në përgjithësi vura re që grupi komunikonte shumë mirë me njëra-tjetrën dhe e rëndësishme ishte që ekipi kishte moral të lartë për të luajtur gjithë kohës e për të mbajtur një ritëm të lartë loje.
Krahasuar me edicionin e kaluar, këtë vit ka një konfigurim të kombëtares. Sa impakt do të kenë këto ndryshime?
Nga ekipi i një viti më parë kemi dy mungesa të rëndësishme. Për një ekip si Shqipëria të ketë dy mungesa nuk është pak. Bëhet fjalë për Klonarda Nezaj dhe për Amarilda Prengën, kjo e fundit e grumbulluar me ekipin kombëtar, por se nuk do të luajë në pozicionin e saj natyral që e kemi parë në gjithë këto vite aktivizim. Ndërsa pjesa tjetër e prurjeve janë të mira, por që lind nevoja për t'i parë më tej. Janë vajza me moshë relativisht të re, 20-21 vjeç kështu që besoj se edhe ato do të japin më të mirën për ekipin kombëtar.
Sa i njihni kundërshtarët tuaj në grup?
Në dijeninë tonë, Finlanda ka një ekip të mirë. Sigurisht Bjellorusia dihet për nivelin që ka, por që edhe Austria nuk është rival i keq. Kjo do të thotë që grupi është i vështirë dhe këto përfaqësuese në pjesëmarrjet e tyre ndërkombëtare vijnë me objektiva dhe strategji të qarta se çfarë duhet të përfitojnë nga këto aktivitete. A shkon kjo përfaqësuese me pretendime në këtë event?
Do isha shumë i kënaqur nëse këtu në Tiranë do të arrinim atë performancë të një sezoni më parë. Pastaj dëshirat patjetër që janë të mëdha. Për të qenë me këmbë në tokë, le të përsëritim vitin e kaluar.
Në opinionin tuaj, a është kjo kombëtarja më e mirë e viteve të fundit?
Kombëtarja më e mirë e viteve të fundit është ajo skuadër që arrin edhe rezultatet më të larta. Dhe bilancin do ta shohim në fund të aktivitetit. Nëse rezultatet do të arrihen, atëherë rrjedhimisht do të jetë edhe përfaqësuesja më e mirë e viteve të fundit.
Jeni i bindur se keni bërë zgjedhjen e duhur të kandidateve për këto eliminatore?
Unë jam shumë i bindur që kam bërë përzgjedhjen më të mirë të mundshme të të gjitha kandidateve për ekipin kombëtar. Sepse të jesh anëtare e ekipit kombëtar duhet të plotësosh edhe disa parametra. Parametrat unë i kam parë me vëmendje, mund të ketë pasur vend edhe për ndonjë përzgjedhje tjetër, por kam bindjen e plotë për zgjedhjen e duhur.