Besëlidhja përgatit afrimin e të rinjve
Florian Përgjoni, Kovaçi e Dushaj piketohen për sezonin e ri të lezhjanëve
Një nga lojtarët që arriti të gjente hapësira në ndeshjet e fundit të sezonit të shkuar te skuadra e Besëlidhjes ishte edhe i riu Florian Përgjoni. Ai arriti të aktivizohej pas largimit nga ekipi të shkodranëve Lekaj e Karakaçi. Përgjoni është një lojtar i formuar te skuadra A e Shkëndijës dhe tashmë do të japë kontributin e tij për ekipin e vendlindjes. "Jam mjaft i lumtur që ia dola të vesh fanellën e Besëlidhjes, skuadrës së qytetit tim, për të cilën kam bërë tifo që i vogël. Gjatë sezonit që lamë pas, ku unë isha pjesë e ekipit, Besëlidhja ka bërë një paraqitje dinjitoze, ndonëse në çastet e fundit nuk ia doli të ngjitej në Superiore. Gjithashtu, skuadra bëri gjithçka mirë në Kupën e Shqipërisë, ku arriti që të dilte deri në gjysmëfinale, një rekord më vete", ka thënë Përgjoni për "Panorama Sport". Ai aktualisht është në pritje të nisjes së përgatitjeve për sezonin e ri. "Për momentin i gjithë ekipi është me pushime dhe presim ftesën e presidenti Noka për t'u grumbulluar për të nisur përgatitjet për sezonin e ri, ku objektivi kryesori është të ngjitemi në Superiore. E ardhmja ime për sezonin e ri do të jetë natyrisht te Besëlidhja, edhe pse gjatë kësaj periudhe nuk më kanë munguar ofertat", ka mbyllur Përgjoni. Strategjia e drejtuesve është afrimi i sa më shumë lojtarëve të rinj vendës dhe në takimin e sezonit të shkuar ndaj Shënkollit kanë qenë në fushë edhe dy të rinjtë Kovaçi dhe Dushaj, të cilët gjithashtu pritet të jenë pjesë e ekipit të kampionatit të ri. Preng Gjikola