“Djalli” ofron 50 mln për dy lacialë, Igli Tare i gatshëm për bisedime

Përgatitet goditje e dyfishtë, synohen Bilja dhe Keita B.

Pasi mbylli çështjen e përforcimit të tretë, që erdhi me nënshkrimin e Rodrigez, Milani nuk ka ndër mend të ndalet. Drejtori sportiv Maks Mirabeli dhe administratori Marko Fasone me sa duket i kanë urdhrat e qarta. Goditjet në merkaton kuqezi po vijnë në breshëri, duke ndërtuar kështu skuadrën e së ardhmes. Lëvizja e fundit në rend kohor është ajo për sulmuesin Keita Balde, i cili deri pak ditë më parë dukej se ishte fare pranë nënshkrimit me Juventusin. Drejtuesit kuqezinj, duke përfituar nga bisedimet për mesfushorin Bilja, kanë shtuar dozën e milionave, duke i ofruar Lacios plot 50 të tilla për argjentinasin dhe shokun e tij të skuadrës, Keita Balde. Të dy lojtarët prej disa ditësh këmbëngulin për t'u larguar nga kryeqyteti dhe me sa duket Igli Tare nuk ka ndër mend të mbajë askënd kundër dëshirës, por me të drejtë kërkon një çek të përshtatshëm, ndaj ka ndërmarrë një udhëtim drejt Milanos gjatë mbrëmjes së djeshme për të takuar ndoshta përfaqësuesit kuqezinj. Për sa i përket kapitenit bardhekaltër,

ai është në grumbullim me Argjentinën, por duke përjashtuar surprizat duket se akordi i tij me Milanin duket si një fakt i kryer me lojtarin, i cili duhet vetëm të kalojë vizitat mjekësore dhe të nënshkruajë për katër vite në "San Siro". Milani nga ana e tij i ka

premtuar futbollistit senegalez një rrogë prej 2 milionë eurosh në sezon, duke ardhur në rritje së bashku me një sërë bonusesh. Lojtari është i joshur nga ideja për t'u veshur kuqezi, por dëshiron të presë deri në momentin e fundit një lëvizje të Juventusit.

Ky sulm për Keita vjen edhe pas interesimit të Napolit për Suson. Në rast se spanjolli joshet nga De Laurentis, sulmuesi lacial do të ishte zëvendësuesi ideal në skemat e Montelës. Drejtuesi janë të kënaqur me numrin 8 kuqezi, por frika e përsëritjes