Interi, 110 milionë euro Spaletit

Nga Naingolan te Rudiger, ja cilët janë lojtarët që ka vendosur në listë Luçiano

Takimi në Nanjing të Kinës (atje ku ndod hen zyrat e "Suning") ndërmjet Luçiano Spaletit dhe Zhang Jindong nuk ka shërbyer vetëm për t'u njohur me njëritjetrin, por edhe për të sqaruar disa tema "të nxehta" si merkato. Sipas asaj që po qarkullon në mediat italiane, Zhang Jindong e ka siguruar Spaletin se do të ketë një mbështetje të madhe si në nivel teknik, ashtu edhe në përforcimin e ekipit. Grupi "Suning" është i gatshëm të shpenzojë në merkaton që do të fillojë nga 1 korriku, të paktën 110 milionë euro, të cilave do t'i shtohen dhe ato që do të përfitohen nga shitja e disa lojtarëve. Ish-trajneri i Romës duket se është bindur akoma më shumë për projektin e zikaltërve pas takimit me Zhangun, i cili e ka vlerësuar teknikun si një trajner të madh. Spaleti, veç të gjithash, ka pasur vetëm një kërkesë: Të mos shitet Perisiç, i cili është karta më e lehtë që mund t'i shpëtojë zikaltrit nga dënimi i FIFA-s. Trajneri i ka komunikuar padronit të Interit se do të ishte shumë e vështirë që të zëvendësohej një lojtar si kroati, në një kohë ku ekipi ka shumë pak lojtarë të rëndësishëm. Paratë që do të mblidhen për të shmangur dënimin e "Fair Play" financiar, do të vijnë nga shitja e Jovetiç, Ranokia, Brozoviç, Banega dhe Murijo.

OBJEKTIVAT- Spaleti ka

shkuar me një plan shumë të qartë në Kinë, t'i vërë përpara "babagjyshit" Zhang listën e tij të dëshirave. Ai ka kërkuar me patjetër blerjen e dy qendërmbrojtësve dhe një mbrojtës krahu, disa mesfushorë të shpejtë dhe një sulmues krahu. Emrat tashmë dihen, Sabatini është

"paralajmëruar". Rudiger dhe Naingolan janë dy "ëndrrat" e Spaletit dhe me shumë mundësi mbrojtësi i krahut të majtë të Nicës, Dalbert do të vishet zikaltër. Kriçioviak, Rabiot, Bernardeski, Filho, Berardi, Karsdorp, Tete dhe Vesino ndodhen gjithashtu në këtë listë.