Vllaznia “peshkon” te Tirana
Edeh dhe Cise në planet e kuqebluve, krizën e "golit" duan që ta zgjidhin në... Shqipëri
Pasi e hodhi në Kate gorinë e Parë, Vl laznia tashmë kërkon që t'i marrë disa lojtarë Tiranës. Drejtuesit e klubit kanë filluar "gjuetinë" për merkaton dhe vëmendjen e kanë përqendruar pikërisht te kryeqytetasit. Pavarësisht se nuk bëhen të ditur emrat, zbulohet se në planet e shkodranëve janë pikërisht afrikanët. Vetë Armando Cungu në deklaratat e tij nuk i ka kursyer vlerësimet për futbollistët bardheblu, paçka se ranë në inferiore. Ky fakt mund të ndikojë drejtpërdrejtë për të tentuar ndonjë prej elementëve që mbyllën kampionatin me skuadrën më të titulluar në vend. Ndër të parët në listë mund të jetë sulmuesi 19-vjeçar nga Kongo, Merveil Ndokyt, por nisur nga pretendimet që mund të ketë për kartonin e këtij elementi presidenti Refik Halili, transferimi duket disi i pamundur.
Sulmi - Megjithatë, "radarët" e kuqebluve janë edhe në sulm, ndërsa në fokus janë vënë sulmuesit Ifaeni Edeh dhe Moktar Cise. I pari, autor i 6 golave në Superiore, u kthye në një pikë të fortë për Tiranën. Pas nuk mbetet as Cise, 24-vjeçari që e gjeti 4 herë rrjetën. Kuqeblutë, me sa duket, e shikojnë si një pistë të mirë Tiranën e rënë nga kategoria, ndaj do të mundohen që zgjidhjen për sulmin ta gjejnë brenda Shqipërisë. Pikërisht në këtë repart ku edhe skuadra shkodrane ka pasur edhe më shumë probleme.
Mesfusha - Mirëpo mund të mos jenë vetëm këta dy lojtarë pikësynimet e Vllaznisë. Pasi ata mund të provojnë fatin edhe me Ruben Akuah dhe Moise Nkounkou. Dy lojtarë me moshë të re, të cilët kanë spikatur në fushë me fanellën e bardhebluve. Megjithatë, ndryshe nga rasti Gilman Lika që është më shumë se i realizueshëm, për këto dy emra transferimi duket i vështirë (të gjithë kanë kontratë dhe Tirana nuk do t'i lërë të lirë pa dëmshpërblim). Me sa duket, tani synimi i klubit është që të mos shkojë larg për të eksperimentuar, ndaj prurjet e reja do të mundohen që t'i gjejë brenda territorit shqiptar. Shpeshherë Vllaznia ka gabuar në merkato, sidomos me lojtarët e ardhur nga jashtë. Edhe në verën e shkuar "ngecën" me blerjet dhe rasti konkreti ishte kroati Veitzer, i cili u mor në momentet e fundit të merkatos. Por koha tregoi se për asnjë moment ai nuk bindi për vlerat që kishte. E njëjta gjë ndodhi edhe me prurjet e dimrit, ndërsa belgu Mulemo ishte larg pritshmërive. Kjo ndoshta do të bëjë që drejtuesit të besojnë në merkaton e tyre pikërisht te lojtarët që i kanë vëzhguar dhe studiuar gjatë
36 javëve të kampionatit të fundit. Sikleti i çdo merkatoje për Armando Cungun kanë qenë "provat" dhe gjasat janë që ai t'i evitojë për sezonin e ri. Kujtojmë që verën e shkuar nën urdhrat e tij u vendosën 25 lojtarë, por në fund asnjëri nuk bindi.