Edmond Kodra: Luftëtari sfidoi arbitrat dhe paragjykimet

Ish-zëvendëstrajneri bën skanerin e sezonit që sapo u mbyll

Në sezonin e shkuar të Kategorisë Superiore, Luftëtari ka arritur objektivin duke siguruar qëndrimin në elitë, madje duke i befasuar të gjithë me arritjen e vendit të katërt. Ky sukses mori vlerësimin e të gjithë aktorëve sportivë në vendin tonë, i shihnin bluzinjtë si të dorëzuar që para fillimit të garës. Edmond Kodra, ish-zv.trajneri i gjirokastritëve para dy sezonesh kur skuadra u rikthye në Superiore, pas katër viteve mungesë, në një prononcim për "Panorama Sport", është shprehur: "Luftëtari ka bërë gjithçka mirë këtë kampionat, duke ditur të menaxhojë grupin e lojtarëve që përbënin pjesën dërmuese të ekipit, të cilët rikthyen ekipin në elitë pas një mungese të gjatë. Aftësitë menaxhuese dhe shumë profesionale të trajnerit Milinkoviç janë 'çelësi' i suksesit për këtë arritje. Paprekshmëria e boshtit të skuadrës, si dhe afrimet që u bën në merkaton e verës së shkuarës e rritën ndjeshëm cilësinë e lojës së Luftëtarit. Gjirokastritët kanë ditur të sfidojnë jo vetëm kundërshtarët e tyre më të fortë, por dhe gjykimet skandaloze, teksa iu afrua zonës europiane. Kur gjithçka ka përfunduar dhe të

gjithë krenohemi me suksesin e ekipit, është koha që të nisë puna nga konturimi i ekipit, pa shpresuar te data 23 qershor, që jepet edhe vendimi i Etikës. Me ndërhyrje inteligjente në merkato, gjë për të cilën mendoj se ekipi ka domosdoshmëri thuajse në çdo repart,

Luftëtari besoj dhe shpresoj se do të jetë skuadra që duhet pasur frikë. Presidenti Grigor Tavo, së bashku me stafin e tij, ka në nisur një projekt të hershëm, të cilin kërkon ta përkthejë me rezultate sezonin pasardhës", mbylli Kodra. Ndërkohë drejtuesit kanë sh-

tyrë grumbullimin e skuadrës për në fundin e këtij muaji, por pa përcaktuar një datë fikse. Shtyrja e vendimit të Komisionit të Etikës ndryshoi edhe planet e bluzinjve për fazën përgatitore, e cila ishte planifikuar të zhvillohej jashtë vendit. Tomor Shehu