Flamurtari me portier boshnjak, Kukësi josh Hoxhën
"S’paguaj, i dilni për zot ose në shtator na heqin pikë"
Në një kohë kur ska don për 4 ditë afati për ta paguar 20 mijë franga për të hapur gjyqin në KAS për çështjen e ish-trajnerit Gjoka, klubi vlonjat bën me dije se nuk do të ketë asnjë lëvizje. "Edhe 5 ( 4) ditë na ndajnë nga skadimi i afatit për pagesën prej 20.000 CHF, kosto proceduriale në procesin që po zhvillohet në Zvicër, pranë KAS, midis Flamurtari FC dhe Ernest Gjokës. Pavarësisht betejave të gjata ligjore, kostove financiare të deritanishme lidhur me këtë proces, si dhe këmbënguljes për të sensibilizuar 'firmëtarët' dhe institucionin përgjegjës, për të marrë përgjegjësitë e tyre dhe shmangien e penalizimeve me heqje pikësh për Flamurtarin, deri tani nuk ka asnjë reagim apo vendimmarrje prej tyre. Një proces dhe një detyrim që nuk i takon presidencës aktuale, por që ka vazhduar shlyerjen në shuma të konsiderueshme të detyrimeve të lindura gjatë periudhës së administrimit të Flamurtari FC prej Bashkisë Vlorë. Një proces dhe një detyrim që nuk i takon Flamurtari FC, por që duhet ta paguajë ecuria e përsëritur me heqje pikësh dhe imazhi i penalizuar i Flamurtarit. I bëjmë thirrje institucionit dhe personave përgjegjës, firmëtarë legalë apo ilegalë, të marrin përgjegjësitë e tyre dhe të zgjidhin sa më parë situatën, për të mos lejuar ndëshkimin dhe penalizimin me pikë të Flamurtari FC", shkruhet në deklaratën e klubit. DEKLARATA
Në një prononcim të dhënë dje për "Panorama Sport", administratori i Flamurtarit, Sinan Idrizi, ka theksuar se nuk do të bëjë asnjë pagesë për çështjen "Gjoka". "I bëj thirrje Gjikës të marrë përsipër detyrimin e tij. Unë e kam bërë pjesën time. Thotë se Flamurtari nuk është i imi, në rregull, por ai të marrë përsipër detyrimin e tij. Unë e përmbusha detyrimin tim, e çova në KAS çështjen. Nuk paguaj tani as 20 mijë franga, as 50 mijë euro. E ka për detyrë zotëria që i ka firmosur. I dilni për zot, pasi në shtator do të kemi të njëjtën situatë. Do të na hiqen pikët. Të mos na tregoj në ' Facebook' detyrimet që unë kam ndaj Arbrit, unë e njoh pjesën time. Në të kundërt këshilli bashkiak të ma heqë mua licencën.
Unë blej ekip milionerësh, lojtarët më të mirë, e në fund pastaj të na hiqen pikët. Dhe për çfarë. Për tekat e një anonimi në ' Facebook'. Ta paguajë KAS-in ose Gjokën, se ai ka edhe agjenci imobiliare në të gjithë Vlorën", u shpreh Idrizi.