Bernardeski, Juventusi po punon për krahët e sulmit
Bardhezinjtë, gati t'u përgjigjen goditjeve të Milanit
Turbo është vënë në punë, fillon rrugëti mi. Juventusi është gati që t'i kundërpërgjigjet Milanit, i cili deri më tani ka qenë padroni i merkatos. Bardhezinjtë vendosin që t'i përgjigjen, duke kërkuar sulmues krahu ndër më të mirët në qarkullim. Sulmues cilësorë, të aftë që të realizojnë shumë gola dhe t'i japin skuadrës atë kapërcim të kualitetit, duke e bërë skuadrën torineze akoma më të fortë seç është.
JUVE-INTER PËR BERNARDESKINPritet një betejë e ashpër ndërmjet Juventusit dhe Interit për të siguruar shërbimet e talentit të Fiorentinës, Federiko Bernardeski. Për këtë tratativë pritet të ketë një sulm nga ana e Interit, i cili pas shitjes së Perisiç synon që të blejë sulmuesin e Fiorentinës për të zëvendësuar kroatin.
KOSTA SHUMË PRANËJuventusi insiston për Duglas Kostën dhe është gati të bëjë sulmin deciziv për ta transferuar brazilianin në Torino. Pasi gjetën akordin me agjentin e sulmuesit, klubi po punon që të arrijë marrëveshjen me Bajernin e Mynihut, që kërkon plot 50 milionë euro për Kostën. Marota, sipas "Tuttosport", për momentin ka mbërritur në shumën e 40 milionë eurove, por në ditët e ardhshme mund të mbyllet për rreth 40 milionë euro, plus bonuset ose 45 milionë euro kesh. Raportet shumë të mira ndërmjet dy klubeve e favorizojnë akoma më shumë këtë tratativë, që mund të mbyllet
në fund të kësaj jave ose maksimumi në fillimin e javës së ardhshme. Duglas Kosta dëshiron që t'i bashkohet projektit të Juventusit, që përveç një page shumë të lartë i ka propozuar dhe një rol kryesor në skemën 4-2-31 të Masimiliano Alegrit.
Braziliani te Bajerni i Mynihut nuk ka arritur që të gjejë vazhdimësi në sezonin e fundit, duke parë edhe konkurrencën e madhe të gjermanëve në krahët e sulmit. Te Juventusi lojtari pritet që të luajë si sulmues i djathtë pas krahëve të Gonzalo
Higuain. Për momentin bardhezinjtë nuk ofrojnë më shumë se 40 milionë euro, por ndjesitë janë që do të arrihet një marrëveshje që do t'i kënaqë të dy klubet. Është vetëm çështje ditësh që braziliani të zyrtarizohet si një lojtar i "Zonjës së Vjetër".