Starton Kupa e Konfederatave, ja sekretet në Rusi

Udhëtim mes ekipeve pjesëmarrëse në paraardhësin e "Rusi 2018"

Gjithçka gati për një nga turnetë ndërko mbëtarë më të rëndësishëm të kësaj vere. Takimi është për sot, në ora 17:00, kur Rusi- Zelandë do të përballen në "Zenit Arena" për atë që do të jetë sfida hapëse e kompeticionit ku do të takohen 8 kampionet në rang kombëtaresh nga pesë kontinentet. Me ndeshjen e pasdites së sotme Rusi- Zelandë e Re nis kështu Kupa e Konfederatave, e cila sipas traditës paraprin me një vit botërorin e radhës. Tetë skuadra të ndara në dy grupe ku kualifikohen dy të parat e secilit. Nuk përjashtohen surprizat dhe talentet, të cilët, në disa raste, si ai i kombëtares gjermane, u kanë zënë vendin titullarëve të zakonshëm.

GRUPI A

Në grupin A do të përplasin "brirët" vendasit e Rusisë, Portugalia e Ronaldos, Meksika e "plakushit" Markez dhe Zelanda e Re, pjesëmarrëse për herë të katërt në këtë Kupë. RUSIA

Ta fillojmë këtë analizë me Rusinë, e cila është në njëfarë mënyre edhe skuadra me më shumë të panjohura. Të zotët e shtëpisë, duke qenë pritës të Botërorit, do të kualifikohen direkt. Pa dyshim diçka e mirë, por që fsheh shumë probleme, të cilat mund të vijnë si pasojë e mungesës së ndeshjeve të rëndësishme. Të paktën dy vite pa sfida që vlejnë tri pikët janë vetëm një nga pengesat e trajnerit Stanislav Çerçesov. Ndryshimi i brezave rezultoi një proces i mbetur përgjysmë dhe tashmë skuadra ka lojtarë në fund të ciklit e të rinj të talentuar, por pa përvojë. Mungesa e Dzybës në sulm mund të rezultojë më e rëndë seç duhet, ndaj trajneri rus duket se do t'i besojë Fedor Smolovit, sulmues i Krasnodarit, i cili fitoi dhe "Këpucën e Artë" si golashënuesi më i mirë i kampionatit vendas. Objektivi kryesor mbetet vendi i dytë në grup që supozohet se do ta dyluftojnë me Meksikën pasi vendi i parë duket i prenotuar nga Portugalia.

PORTUGALIA Kristiano Ronaldo me shokë nuk kanë nevojë për prezantime me madrilenin

që kërkon një tjetër trofe që s'e ka fituar kurrë më parë. Skuadra e drejtuar nga Fernando Santos vjen në këtë kompeticion me futbollistët më të mirë të mundshëm. Mungesa e vetme është ajo e të dëmtuarit Zhoao Mario, ndërsa pika e fortë mbetet madrileni së bashku Andre Silvan, i gatshëm për t'i treguar Milanit se sa vlen.

Nga ana tjetër, Bernardo Silva kërkon të shfrytëzojë vitrinën e Konfederatave për t'u afirmuar edhe më shumë pas sezonit brilant në radhët e Monakos. Një

tjetër yll në ngritje është Hoze Fonte, i gatshëm të tregojë se jo më kot e cilësojnë si pasardhës të Pepes dhe Bruno Alveshit. Portugezët duan kupën, pak rëndësi se dalin të parët në grupin ku cilësohen favorit. Europiani i vitit të kaluar tregoi se luzitanët janë më të përqendruar tek objektivi sesa te mjetet për ta arritur atë. MEKSIKA

E pagëzuar si surpriza e këtij eventi, skuadra e teknikut Osorio prezantohet me një tufë djemsh të rinj, të cilët, përveç talentit,

kanë edhe njëfarë përvoje të grumbulluar duke luajtur në Europë.

Ish- mbrojtësi i Barcelonës, Rafa Markez është ende pjesë e kombëtares, por nuk duhet të luajë titullar, teksa një rol i tillë do t'i besohet blerjes së re të Romës, Hektor Morenos. Prapavija në fakt mbetet pika e fortë meksikane, me Hektor Herrerën, Lajun, Guardadon dhe pa dyshim supersonikun Jyrgen Dam që luan me Tigresin në Meksikë. Sulmi nuk mund t'i besohej askujt tjetër përveç Çiçarito Hernandezit, pavarësisht vlerës së

padiskutueshme ofensive të shokëve të tij të repartit siç janë: Fabian, Lozano, Oribe Peralta apo Raul Himenezi.

ZELANDA E RE Rreshti i fundit me të drejtë i përket një skuadre pa shumë pretendime si Zelanda, shtet i cili pikën e fortë e ka te regbija.

Kalimi i Australisë nën Federatën Aziatike duket se i ka lënë "All Whites- at" pa rivalë dhe ardhja e tyre në këtë kompeticion i vesh detyrimisht me petkun e "Hirushes". Vështirë të përmbysin parashikimin

që i sheh si "kurbani i grupit", por nëse ia dalin të dhurojnë ndonjë rezultat të pabesueshëm, me siguri do të jetë një surprizë e mirëpritur. Njeriu më i rrezikshëm në formacion është Kris Ud, sulmuesi i Lidsit dhe kryegolashënues në kategorinë e dytë të futbollit anglez. Kthimi në shtëpi me ndonjë pikë do të ishte sidoqoftë një sukses për katër herë pjesëmarrësit në kompeticion.

GRUPI B

Më i forti ndër dy grupet e këtij kompeticioni, këtu do të përballen Gjermania

kampione bote dhe tre kampione kontinentesh si Kili, Kameruni dhe Australia me këta të fundit disi të disavantazhuar.

GJERMANIA

Trajneri Joakim Lëv ka zgjedhur për ekspeditën ruse një skuadër relativisht të re duke dashur t'u besojë të rinjve në prag shpërthimi. Pavarësisht faktorit rini, "Panzer-at" janë një nga favoritet për kupën, e cila në rast fitoreje do të dëshmonte edhe një herë momentin e mirë që po kalon futbolli gjerman që mund t'i lejojë vetes luksin të lërë në shtëpi

yjet e përfaqësueses e në të njëjtën kohë të mbetet konkurruese. Kimish dhe Rydiger duket se do të komandojnë prapavijën, ndërsa nga mesfusha e lart ku talenti është me bollëk zgjedhjet do të variojnë në bazë të kundërshtarit. Kapiten Draksler do të jetë frymëzues për sulmuesit Verner dhe Vagner, ndërsa projektorët do të jenë mbi mesfushorin e ditëlindjes 1995, Loen Gorecka që luan me Shalken.

KILI

Së bashku me Portugalinë, ndër ekipet që ka

grumbulluar më të mirët. Trajneri Huan Antonio Pici ka vendosur t'i besojë grupit historik që mund të fitonte dy edicione radhazi të "Kupa Amerika". Ylli është Aleksis Sançez, pasi ai pritet të jetë rreziku numër 1 për kundërshtarët dhe që i vetëm do të duhet të mbajë peshën e sulmit.

Truprojat do të jenë më muskulozët e grupit, që nga Vidal e Medel, pa harruar punëtorin Aranguiz dhe "italianin" Isla gjithmonë pika kyçe të kësaj përfaqësueseje. Pa fytyra të reja, latinët presin të afirmohen

edhe në rang global e pa dyshim do të jenë pretendentë për finalen e madhe.

AUSTRALIA

"Kangurët" janë një formacion gjithnjë në rritje dhe mund të jenë një kundërshtar aspak komod. Kampionët e Azisë në fuqi kanë forcë dhe kurajë, por në disa raste diferencën e bën talenti që në radhët e Australisë është me pakicë. Ylli i ekipit mbetet Tim Kahill, por në moshën 37- vjeçare të presësh mrekullinë nga ai duket më shumë se një utopi ndaj shpresat do të varen te këmbët e Tom Rogiç, i cili,

pas shpërthimit të sivjetshëm te Sëlltiku, mund të shpërthejë edhe në vitrinën ndërkombëtare që ofron Kupa e Konfederatave. Më shumë se pretendimi për kualifikim, australianët do të luajnë shanset e tyre me Kamerunin për të mos u renditur të fundit në grupin B.

KAMERUNI

Më shumë se te forca e tyre, afrikanët do të përpiqen të përfitojnë nga gabimet e njërës mes Gjermanisë dhe Kilit. Të shpallur kampionë Afrike pak muaj më parë, skuadra e Hygo Bros nuk ka më yje të

kalibrit të Etosë në gjirin e saj ndaj të gjithë sytë do të jenë mbi Abubakar, i cili është paraqitur shumë mirë me Beshiktash në Turqi ku u shpall edhe kampion i vendit. 12 gola në radhët e bardhezinjve stambollas janë një kartëvizitë aspak për t'u nënvlerësuar. Lojtarë kalibri si Mukandxho apo Basogog ( i sapotransferuar në Kinë) do të mbajnë peshën e mesfushës, ndërsa mbrojtja me pak emra niveli shihet si pika e dobët e këtij Kameruni që do të varet shumë edhe nga pritjet e portierit të Ajaksit, Onana.