Raiola i ofron Xhixhon Interit
Klubi i Zhang gati të futet në aksion për ta marrë portierin me 0 € verën e ardhshme
“Tour de force"- i djeshëm i Mino dhe Enzo Raiolës ka prekur disa etapa milaneze. Dy vëllezërit Raiola kanë pasur disa takime të njëpasnjëshme me tri ekipet më të mëdha në Itali, Juventus, Inter dhe Milan. Ata kanë drekuar me drejtuesit e Juventusit, më pas janë takuar me Auzilion dhe drejtuesit e tjerë zikaltër, për ta përfunduar me kuqezinjtë në "Casa Milan", ku vendosën për mosrinovimin e kontratës së portierit të talentuar, Xhanluixhi Donaruma. Takimi midis superagjentit italo-holandez dhe dirigjentëve zikaltër ka nxjerrë në pah disa objektiva të Interit, si mbrojtësi i djathtë 21-vjeçar, Keni Tete, i cili aktivizohet tek Ajaksi. Por një emër surprizë, që ka dalë pas këtij takimi, është ai i Xhastin Kluivert. Anësori i djathtë, i cili aktivizohet tek i njëjti klub si Tete (Ajaks), është një profil që pëlqehet tejmase nga drejtuesit zikaltër, por për të duhet të mundet konkurrenca e turqve të Gallatasarajit, të cilët kanë shumë kohë që janë në gjurmët e tij.
Djali i Patrik Kluivert, një talent i vërtet i futbollit njësoj si i ati, do të ishte një goditje "alla Sabatini": Një talent me perspektivë, gati për t'u bërë pjesë e një ekipi të madh si Interi.
SURPRIZA DONARUMA - Pas diskutimit për dy talentet e Ajaksit, është prekur edhe
tema e Donarumës. Siç raportohet nga mediat italiane, agjenti i portierit 18- vjeçar Mino Raiola u ka komunikuar drejtuesve zikaltër se Donaruma nuk kishte ndër mend të rinovonte me klubin kuqezi, përpara se të takohej me drejtorin sportiv të Milanit, Marko
Fasone. "Ju intereson" ka qenë batuta e Raiolës për dirigjentët zikaltër, të cilët janë gati të futen në aksion për ta marrë me koston zero verën e ardhshme, duke parë krisjen e Donarumës me klubin. Ndërmjet pistave "të nxehta" Tete-Kluivert dhe sugjerimit Donaruma.