Skënderbeu gjen barazimin e parë
Debuton malazezi Vujoviç, Daja vendos të mos aktivizojë Liridon Latifin
Pas dy humbjeve radhazi, Skënder beu arrin të marrë barazimin e parë në ndeshjen miqësore që u zhvillua në Roganska të Sllovenisë. Barazimi i djeshëm u arrit ndaj skuadrës maqedonase të Rabotniçkit, ekip që do të luajë në Europa League. Gjithsesi, dje, në orën 18:00, të dyja skuadrat zbritën në këtë test të rëndësishëm, që sipas stafit drejtues të Skënderbeut bashkë me miqësoren tjetër pas dy ditësh do të jenë dy provat gjenerale për ndeshjet europiane. Kjo ka bërë që dje në përballjen ndaj Rabotniçkin, Daja të ruajë pothuajse të njëjtin formacion si në takimin paraardhës miqësor, ku mbrojtja mbeti e palëvizur dhe disa ndryshime kishte në mesin e fushës dhe në sulm. Pa dyshim që risi ishte qenë Goran Vujoviç, futbollisti malazez, i cili debutoi me fanellën e Skënderbeut si titullar dhe i tillë mendohet të jetë edhe në ndeshjet europiane. Paraqitja e tij ka qenë përgjithësisht e mirë, teksa ka pasur edhe 2- 3 raste të mira shënimi. Pas ndeshjes, trajneri Ilir Daja është shprehur optimist për skuadrën e tij dhe ka folur pozitivisht për këtë miqësore. Vlen të theksohet edhe goli i Sabjen Lilajt, teksa shënon për herë të parë në testet miqësore, por nga pika e bardhë. NDESHJA
Në start, Daja rreshtoi të tijtë me skemën 4-2-3-1, teksa sigurisht ka pasur disa
mungesa për sa u përket titullarëve, pa thënë se Radas, Gavazaj, Shkodra ishin në stol, ndërkohë që Latifi nuk u aktivizua fare, ndërsa Xhejms ende nuk ka mbërritur në Slloveni. Pjesa e parë ka qenë në përgjithësi e mirë
dhe Skënderbeu ka krijuar disa raste të pastra shënimi, teksa Vujoviç, Gripshi dhe Lilaj kanë qenë rreziku kryesor për portën e Rabotniçit. Malazezi Vujoviç ka pasur rastin më të mirë në minutën e 15- të, por pa arritur të shënojë. Në minutën e 20-të kosovari Bajram Jashanica largohet nga fusha e lojës, pas një përplasjeje me një kundërshtar, ku edhe është çarë në vetull, ndërsa për dëmtimin e tij do të mësohet më shumë sot. Miqtë maqedonas më shumë u mbrojtën në këtë pjesë dhe në përfundim të 45-minutëshit rezultati përfundimtar ishte 0- 0. Në pjesën e dytë Daja fillon të bëjë disa zëvendësime, ndërkohë që korçarët shikojnë më shumë nga porta kundërshtare. Sërish sulmi i Skënderbeut është i frikshëm me disa momente të mira, por goli do të vinte vetëm në minutën e 75-të, ku Sabjen Lilaj tregohet i saktë nga pika e bardhë e penalltisë, duke kaluar korçarët në avantazh. Por, gëzimi i Skënderbeut zgjat vetëm 2 minuta, pasi në të 77- ën minutë Rabotniçki, pas një gabimi në mbrojtje, barazon rezultatin në 1- 1, duke zënë në befasi Skënderbeun. Në minutat e mbetura të ndeshjes, skuadra korçare nuk ka arritur të shënojë golin e barazimit.