Masa: Alonso të largohet nga Formula 1

Ankohet sepse nuk ka një makinë kompetitive

Felipe Masa i ka pro pozuar ish-shokut të tij të skuadrës te Ferrari, Fernando Alonso, që të ndjekë interesa të tjera, në qoftë se ai është i pakënaqur në Formula 1. Ndërsa bashkëpunimi mes McLaren dhe Hondës nuk po funksionon siç duhet, piloti spanjoll ka përsëritur se prioriteti i tij i parë është që të fitojë një titull të tretë botëror. Megjithatë, Alonso ka qenë kritik i Formula 1 në përgjithësi në intervistat e fundit, duke deklaruar se atmosfera është shumë më mirë në serinë e garave amerikane "Indy 500". Por braziliani i Uilliamsit mendon se ai po tregohet gjithë kohës kritik për F1in për shkak se ai nuk garon për një makinë konkurruese. "Fernando ankohet për F1 sepse ai nuk ka një makinë të mirë, - i tha Masa spanjolles 'El Confidencial'. - F1 është i njëjti tani si ai i viteve '80. Ndërkohë tani nën presidencën e 'Liberty' gjykoj se po shkon në drejtimin e duhur për të tërhequr sa më tepër njerëzit. Megjithatë, me makinat në dispozicion ne ende nuk po arrijmë të bëjmë diferencat sepse hendeku mes Mercedesit e Ferrarit dhe pjesës tjetër të maki-

nave është shumë i madh. Ekipeve të vogla duhet t'u jepet më shumë mundësi, por deri një marrëveshje tjetër ajo do të jetë e pamundur". Më pas, Masa ka spekuluar mbi të ardhmen e Alonsos. "Unë mendoj se kjo varet nga shumë aspekte, por gjithashtu në qoftë se ti nuk po kalon një moment të mirë,

atëherë do të ishte mirë të largoheshe. Është e qartë që ai (Alonso) po e shijon aktualitetin, kështu që ndoshta do të ishte zgjedhja e duhur... Ndoshta do të ishte mirë të zgjidhte të shkonte në një tjetër ekip ose të marrë përsipër sfidat e tjera jashtë Formula 1. Kjo është diçka që ne nuk e dimë".