Paqe Çelsi-Konte, vjen rinovimi 9 mln £ në vit
Abramoviç i premton edhe emrat që ka kërkuar në merkato
Çelsi po avancon me bisedimet për rinovimin e kontratës së trajnerit Antonio Konte, pavarësisht situatës së tensionuar mes atij dhe bordit në lidhje me çështjen "Kosta" dhe pakënaqësive të teknikut për merkaton e klubit. Bordi i kampionëve të Anglisë ka shprehur gjithë shqetësimin e tij në lidhje me vendimin e Kontes për të informuar Diego Kostën me mesazh se ai nuk bënte më pjesë në planet e tij për sezonin e ardhshëm. Por, pavarësisht kësaj, burime brenda klubit konfirmojnë për "DailyMail" se ky problem është zgjidhur dhe drejtoresha e Çelsit, Marina Granovskaja, dhe menaxheri i Kontes, Federiko Pastorelo, janë në kontakt të vazhdueshëm, edhe pse trajneri po shijuar pushimet. Dhe blutë e Londrës janë të bindur se firma do të mbërrijë, madje zbulohet edhe rroga që do të përfitojë ishtrajneri i kombëtares italiane, e cila do të shkojë nga 5 milionë paund që ai fiton nga kontrata 3-vjeçare që firmosi verën e shkuar, në 9 milionë paund. Abramoviç e mbështet 100% teknikun që solli titullin që në vitin e tij të parë në stolin e klubit dhe këmbëngul se objektivat që
Konte ka identifikuar këtë merkato do të ndiqen me kujdes deri në fund. Portieri i Sitit, Vili Kabajero, pritet që këtë javë të firmosë me kampionët si zëvendësi i Kurtuasë, ndërkohë që bisedimet do të vazhdojnë me Juventusin edhe për mbrojtësin e tyre të djathtë, Aleks Sandro.
Situata e paqartë e Kostës e ka ndërlikuar strategjinë e klubit për sulmin, e cila po mban peng rikthimin e Romelu Lukakut nga Evertoni. Kontes i pëlqen edhe Marko Verrati, por destinacioni i mesfushorit të PSG-së duket i paracaktuar drejt Barcelonës.