Interi “bezdis” Milanin, do Keitan dhe Kaliniçin
Lotito ofron senegalezin, Auzilio takohet me agjentin e kroatit
Sezonin që kaloi shi juam dy nga derbit e "Madoninas" më të bukur të viteve të fundit, plot me gola e emocione, por beteja më e madhe nuk ka mbërritur ende. Zikaltrit e Spaletit kanë vendosur që t'u prishin planet kushërinjve të tyre, Milanit, duke kontaktuar me dy prej objektivave të tyre. Duhen dhe pak ditë që merkatoja të fillojë zyrtarisht, por dy ekipet e Milanos i kanë ndezur motorët, dhe si të mos mjaftonin betejat në fushë, tani do t'i shohim dhe gjatë këtyre muajve.
LOTITO OFRON KEITAN - Presidenti i Lacios, Klaudio Lotito, ka vendosur që t'i hedhë benzinë zjarrit, duke inatosur drejtuesit e Milanit. Lotito, duke mos i pasur marrëdhëniet e mira me klubin kuqezi, ka preferuar që ta shesë sulmuesin me origjinë senegaleze tek ekipi i Interit. Ai u ka ofruar zikaltërve kartonin e Keitas, duke ngjallur zemërim te kuqezinjtë. Milani vazhdon të mbetet në sfond për lojtarin, por Lotito nuk ka ndër mend të presë, prandaj po kërkon një blerës të mirëfilltë. Presidenti i Lacios rrezikon që ta humbasë sulmuesin me zero, prandaj nuk ka ndër mend të presë ofertën e Milanit, sepse kuqezinjtë duan me patjetër që Keitas t'i ulet çmimi.
INTERI SONDAZH PËR
KALINIÇ - Zikaltrit i kanë hedhur sytë edhe tek objektivi tjetër i Milanit, Nikola
Kaliniç. Sulmuesi i Fiorentinës kërkohet prej kohësh nga kuqezinjtë, të cilët e shikojnë sulmuesin si blerjen perfekte për të plotësuar repartin e sulmit së bashku me Andre Silvën. Por Auzilio ka vendosur që të surprizojë Milanin, duke kontaktuar
ditën e djeshme me agjentin, për t'i kërkuar informacione rreth kroatit. Për Spaletin, Kaliniç do të ishte zëvendësuesi i përkryer i Mauro Ikardit. Informacionet për sulmuesin u mblodhën dhe tani për tani ai shikohet vetëm si një mundësi.