Kontrata skandalo e, Vlla nia i fal talentet
Vetëm fjalë e debate në hkodër, kjo është java e shpresës
Shkolla e futbollit sh kodran mbetet një nga markat më prodhimtare në Shqipëri, pasi çdo vit dalin talente nën uniformën e Vllaznisë. Por absurde është se klubi nuk përfiton asgjë nga këta lojtarë kur ata largohen nga Shkodra. Shkak për këtë bëhet keqmenaxhimi i klubit, i cili u ofron kontrata skandaloze dhe vepron si para shumë viteve duke bërë bamirësi me lënien e lirë të lojtarëve. Nëse klubi do të kishte një politikë të mirëfilltë biznesi, pasi i tillë është futbolli i sotëm, Vllaznia mund të përfitonte shuma të konsiderueshme nga transferimi i talenteve të saj. Çdo vit Vllaznia fal lojtarë dhe nuk përfiton asgjë. Rasti më i freskët është sulmuesi Rubin Hebaj, i cili së fundmi ka firmosur në Slloveni. Pas tij, të njëjtën gjë janë duke menduar të bëjnë edhe Arlind Kalaja dhe Erald Çinari. Të gjithë largohen pa arkëtuar asnjë qindarkë në klub, pasi falë kontratave skandaloze klubi u jep mundësi që të largohen falas.
SITUATA - Vazhdon heshtja te Vllaznia, por këtë javë pritet që të zhbllokohet situata. Muaji qershor po shkon drejt fundit dhe te Vllaznia jo vetëm që nuk ka asnjë lëvizje, por përkundrazi, kanë filluar edhe polemikat. Drejtori sportiv Eugent Zeka dhe trajneri Armando Cungu, përmes mediave, kanë dashur t'i tregojnë njëri-tjetrit detyrat që kanë. Në fakt, kjo gjë ka qenë e pakuptimtë, sepse secili e di punën që duhet të bëjë për të mirën e Vllaznisë. Futbollistët presin të lajmërohen se kur do të nisin përgatitjet, ndërsa stafi teknik pret analizën me drejtuesit e klubit. Nga ana tjetër, drejtori sportiv i ka bërë thirrje trajnerit të nisë punën me 16 lojtarët që janë aktualisht nën kontratë, por në fakt askush s'e ka vënë ujin në zjarr për këtë punë. Analiza e shumëpritur mendohet të kryhet në prani të kryebashkiakes Ademi, por nuk dihet se kur do të zhvillohet. Ndaj, situata nuk duket shumë e qetë. Lojtarë të veçantë kanë filluar të largohen nga Shkodra. Kjo natyrisht që sjell një zvogëlim të numrit të lojtarëve. Përditë e më tepër po flitet për një Vllazni me shkodranë në sezonin e ri, por në fakt aktualisht nuk ka asnjë prej tyre që ka firmosur apo pritet ta bëjë një gjë të tillë në ditët e ardhshme. S'e ku do të gjenden lojtarët, kjo mbetet për t'u parë.