Ndizet aksi Milano-Xhenova për të rregulluar llogaritë
Zikaltrit duan shkëmbime me Xhenoan e Sampdorian
Çështja më e rëndësishme për momentin në shtëpinë e zikaltërve është të fitojnë sa më shumë nga lojtarët që do të shiten deri ditën e premte. Nevojiten plot 30 milionë euro fitime, kusht i vendosur nga UEFA, që ky bilanc të mos ketë humbje. Nëse Auzilio me Sabatinin do ia dalin, atëherë zikaltrit mund të luajnë kupat europiane 2018-2019, nëse do të kualifikohen, pa asnjë limit mbi listën e lojtarëve që mund të thërriten. Interi po e shikon që fundi i qershorit po afron, por në vrapimin final arrin me kartat në rregull për të hyrë në parametrat e famshëm. Drejtori sportiv, Auzilio, gjatë ditëve të kaluara ka bërë një punë fantastike dhe që nga dita e sotme pritet që të zhvillojë një sërë takimesh, kryesisht mbi aksin Milano-Xhenoa KAPRARI DHE SHKRINJAR
Takimi i tri ditëve midis Auzilios dhe Romeit ka prodhuar një akord shumë të rëndësishëm për arkat e klubit zikaltër: Kaprari do të shitet tek ekipi i Sampdorias brenda datës 30 qershor dhe tek Interi do të kalojnë 12 milionë euro (fitimi
do të jetë i madh, plot 8 milionë euro). Por në Xhenoa pritet të mbërrijë edhe njëri nga lojtarët e Primaverës (përveç Pinamontit), gjë që do të sjellë edhe disa miliona të tjerë te zikaltrit. Ndërkohë, gjatë kësaj jave pritet që të mbyllet dhe marrëveshja për Shkrinjar, që është vlerësuar nga Interi 28-30 milionë (20 milionë do të paguhen menjëherë dhe pjesa tjetër do të jenë bonuse). Mbrojtësi sllovak, i cili gjatë ditës së shtunë ka bërë "like" mbi komentin e një tifozi zikaltër, do të njihet si shpenzim në bilancin e sezonit 2017- 2018.
PELEGRI E ICO
Ndërkohë, nesër ose të mërkurën është në program një takim me presidentin e Xhenoas, Enriko Preciozi. Ai është i interesuar për disa lojtarë zikaltër si Biabiani, Ranokia dhe Pushkash, tre elemente mbi të cilët Interi mund të përfitojë shuma të rëndësishme. Sigurisht që jo te tre do të veshin fanellën e Xhenoas, por të paktën një operacion pritet të mbyllet brenda datës 30 qershor. Ndërkohë, në rrugën e anasjelltë, Xhenoa-Milano, do ta bëjë njëri nga Pelegri ose Ico, por jo përpara datës 1 korrik.