Fitorja e 100-të, Lëv: Më e bukura

Fitorja e kombëtares gjermane ndaj asaj të Kamerunit për Kupën e Konfederatave me rezultatin 32, përveçse u ka siguruar fazën gjysmëfinale gjermanëve, ka nënkuptuar edhe diçka tejet të veçantë për trajnerin e kombëtares, Joakim Lëv. Kjo ka qenë ndeshja e 150-të e tij me kombëtaren duke shënuar kështu edhe fitoren e 100-të. Gjatë këtyre 150 sfidave nën menaxhimin e Lëv, kombëtarja gjermane ka pësuar 23 humbje dhe 27 barazime. Trajneri gjerman mori përsipër trajnimin e kombëtares në vitin 2006 pas Jurgen Klinsman duke u bërë kështu trajneri më i suksesshëm i kombëtares gjermane në historinë e saj. Gjithashtu kombëtarja ka shijuar edhe ndeshjen e saj të trembëdhjetë pa asnjë humbje duke fituar të gjitha sfidat e mëparshme. Disfata e fundit e Joakim Lëv ka qenë ajo e Marsejës ku Franca ka mundur të triumfojë me rezultatin 2-0 në gjysmëfinalen e kampionatit europian në 2016. Fitorja 31 ndaj Kamerunit ishte ndeshja e 930- të në historinë e kombëtares gjermane. Që prej humbjes 53 ndaj Zvicrës në 5 prill të vitit 1908, gjermanët kanë shënuar 543 fitore, 187 barazime dhe 199 humbje me rreth 2091 gola në favor. Në përfundim të ndeshjes ndaj Kamerunit, trajneri gjerman tha: "Së bashku me skuadrën duhet të ulemi e të fokusohemi në pjesën e parë të lojës. Kundërshtarët tanë kanë patur shpesh mundësinë për të vënë në rrezik skuadrën tonë, por pas pushimit të pjesës së parë çdo gjë ndryshoi duke marrë një tjetër rrjedhë, duke kontrolluar lojën në pjesën më të madhe të saj. Në pushimin e pjesës së parë, u kujtova lojtarëve aftësitë tona të ndeshjeve të kaluara. Është e pabesueshme që arritëm në gjysmëfinalen e Kupës së Konfederatave me një skuadër të rinjsh. Kam vendosur gjithashtu se Ter Shtegen do vazhdojë të jetë portieri i kombëtares deri në fundin e këtij kompeticioni. Kjo fitore e 100-të më ka shijuar më shumë se çdo fitore tjetër me kombëtaren gjermane, ndaj dua të falënderoj lojtarët që e bënë diçka të tillë realitet.