Plaku, risia kundër çekëve
Sulmuesi pritet titullar, gambiani Ali Soue nuk është gati për Skënderbeun
Sebino Plaku pritet të udhëheqë sulmin e Skënderbeut në ndeshjen e parë që skuadra korçare do të luajë ndaj Mlada Boleslav, të enjten, në orën 18:00, në qytetin çek. Goli që shënoi ndaj Kairatit, por edhe forma e mirë që po kalon, duket se e ka bindur trajnerin Ilir Daja për t'i dhënë një fanellë titullari tiranasit. Në fakt, zgjedhja për Plakun nga minuta e parë bëhet gati e detyrueshme, edhe për faktin se sulmuesi tjetër, Xhejms Adeniji, nuk është në kondicionin më të mirë fizik, pasi u dëmtua në takimin e fundit. E njëjta gjë mund të thuhet edhe për malazezin Goran Vujoviç, i cili u dëmtua të mërkurën e kaluar. Në ndeshjen e së enjtes, mungesë e sigurt për Skënderbeun është Sabjen Lilaj, i cili u ndëshkua me të kuq ndaj Kairatit. Në vend të tij gjasat janë që të luajë Donjet Shkodra ose Bruno Dita. XHEJMS
Lajme të mira për trajnerin Ilir Daja në prag të takimit kundër Mladës. Xhejms Ad-
eniji ka qenë pjesë e seancës së parë stërvitore, teksa nigeriani duket se nuk do të jetë mungesë për Skënderbeun në Çeki. Një gjë të tillë e konfirmon edhe stafi mjekësor. Sipas fizioterapistit Jorgo Pantazi, Xhejms me 90% do të jetë pjesë e ekipit për ndeshjen e parë kundër Mladës. "Kemi ndjekur nga
afër gjendjen e Xhejmsit dhe besoj se me 90% lojtari do të jetë pjesë e 18-shes për këtë takim. Jam i bindur që do të rikuperohet plotësisht. Më pas, i takon trajnerit të vendosë për të", tregoi Pantazi për gazetën. ALI SOUE
Sulmuesi në pronësi të Kievos, Ali Soue, nuk do të jetë i gatshëm për Skënderbeun në takimin e parë ndaj Mladës. Lojtari nga Gambia ka arritur marrëveshjen me korçarët dhe pritet të mbërrijë sot ose nesër në Shqipëri për të nisur stërvitjen. Mësohet se sulmuesi nuk ka kondicionin e duhur fizik për të qenë gati në ndeshjen e parë. Edhe pse vlerësohet si një prej goditjeve më të rëndësishme në sulm, Soue me shumë mundësi do të debutojë me fanellën bardhekuqe në sfidën e kthimit, që do të luhet më 3 gusht në stadiumin "Skënderbeu". Sot pritet që korçarëve t'u bashkohet sulmuesi kosovar, Shend Kelmendi.