Sot pritet vendimi i Mazrekajt

Lajmet e fundit të merkatos e kanë dërguar Mentor Mazrekaj te Prishtina, pasi një fakt të tillë e ka bërë edhe klubi kosovar përmes faqes zyrtare. Përpos lajmeve që e lidhin me largimin nga Partizani dhe kalimin te Prishtina, mesfushori kosovar ka bërë të ditur se do të jetë vetëm ai që do të vendosë se ku do të luajë në edicionin e ri. 28-vjeçari ka deklaruar se të hënën, pas përfundimit të pushimeve, do të vendosë për të ardhmen e tij. Sipas këtyre deklarimeve, i bie që sot Mazrekaj të vendosë për skuadrën ku do të luajë në sezonin e ri. Ai ka pohuar se në Kosovë ka biseduar vetëm me Prishtinën, por ka bërë të ditur se ka oferta nga Shqipëria, por edhe nga Maqedonia.