Nis java e fundit stërvitore në Shkodër
Pas dy ditëve pushim, trajneri Cungu do t'u rikthehet seancave stërvitore në krye të Vllaznisë. Trajneri po stërvit atë kontingjent lojtarësh që ka në dispozicion, që me shumë mundësi do të përbëjë edhe bazën e skuadrës për sezonin e ardhshëm. Vllaznia do të stërvitet edhe gjatë kësaj jave në Shkodër, pasi javën e ardhshëm pritet që të zhvendoset drejt Beranes në Malin e Zi për të vijuar fazën përgatitore. Trajneri Cungu me stërvitjet në qytetin verior nuk i ka ngarkuar shumë lojtarët, duke parë edhe temperaturat e larta. Ai ka zhvilluar nga një stërvitje në ditë dhe fundjavat i ka lënë pushim. Ngarkesën e plotë lojtarët do ta marrin gjatë fazës përgatitore, gjatë se cilës do të zhvillohen edhe disa ndeshje miqësore.