Duro pret blerjen e fundit
Ibrahim Toungara është lojtari i fundit i Flamurtarit që pritet të firmosë zyrtarisht me klubin. I riu nga Mali parashikohet që t'u bashkohet kuqezinjve në Maqedoni ku po zhvillohet faza përgatitore. Menjëherë pas firmës do të bëhet edhe prezantimi i futbollistit me fanellën vlonjate. Toungara është futbollisti i fundit që do të firmosë me klubin në këtë merkato. Para tij e kanë bërë një gjë të tillë edhe Lejdi Liçaj dhe Franc Veliu, çka bën që organika të jetë e plotë.