Panorama Sport (Albania)

Elbasani vuan, por ka një formacion të tërë në ‘emigrim’

Rikthimi i tyre do të ndërtonte një ekip të frikshëm

- VLADIMIR MEMA

Sot janë "jabanxhinj" duke luajtur për skuadra të qyteteve të tjera, por nëse klubi do të dinte ta menaxhonte situatën me ta, tani nuk do të flisnim për një skuadër që ka rënë në Kategorinë e Dytë dhe me shumë pak shanse për t'u rikthyer në nivele të larta. Bëhet fjalë për skuadrën e Elbasanit dhe lojtarët që, ndër vite, kanë dalë nga ky klub, por sot për një arsye ose një tjetër militojnë në kampe të tjera dhe nuk kanë asnjë shans për t'u rikthyer në klubin mëmë. "Panorama Sport" bën një vëzhgim të këtyre futbollist­ëve, të cilët formojnë një skuadër të plotë, të gatshme për ta mbajtur Elbasanin në nivele të larta.

"SHTEGTARËT" ELBASANAS - Elbasani është një klub që është shquar për portierë, por nuk ka ditur t'i mbajë për fat të keq. Njëri prej tyre është edhe gardiani i Luftëtarit, Shkëlzen Ruçi. Shanset për një rikthim pothuajse janë zero, sepse kaloi një sezon gati fantastik në Gjirokastë­r dhe kërkohet nga të tjera ekipe elitare. Në mbrojtje bëhet fjalë për Roland Peqinin, i cili, për herë të fundit, ka milituar në radhët e Dinamos. Ndërsa Elton Basriu ka shkuar në Kosovë, Aldo Bella aktualisht konsideroh­et si një lojtar i lirë pas aventurës në Berat. Edhe për sa i përket mesit të fushës, elbasanasi­t nuk mbeten pas me lojtarët që kanë nxjerrë dhe që kanë furnizuar skuadrat e tjera. Ardit Hila, i cili militon në radhët e Teutës, Emiljano Musta që i është bashkuar Flamurtari­t, Renato Hyshmeri dhe Orgest Gava që prej disa vitesh kanë milituar në radhët e skuadrës së Bylisit. Pa harruar edhe Klevis Roshin, futbollist­i me shumë eksperienc­ë që, prej disa sezonesh, është dhe kapiten i Turbinës. Pesë mesfushorë ndër më të mirët e kampionati­t shqiptar, për të cilët elbasanasi­t nuk kanë ditur t'i njohin dhe t'i mbanin në skuadrën e tyre. Edhe për sulmues Elbasani nuk ka vuajtur, me Eri Lamçen dhe Kristal Abazajn që militojnë në radhët e Luftëtarit, të cilët, nëse do të ishin pjesë e verdhebluv­e, do të bënin vërtet një sulm të frikshëm. Pra, një formacion i tërë me lojtarët elbasanas që janë duke i dhënë tonin futbollit shqiptar. Nëse këtyre titullarëv­e do t'u bashkohej edhe pjesa tjetër e ekipit që aktualisht janë me verdheblut­ë, do të shihnim një Elbasan të frikshëm vetëm me lojtarë të këtij qyteti.

 ??  ??
 ??  ??

Newspapers in Albanian

Newspapers from Albania