Gazetat spanjolle, kaos me lajmet për brazilianin

Nuk është vetëm e ardhmja e paqartë, por edhe e tashmja. Gazetat e ndryshme spanjolle nuk kanë qenë asnjëherë në të njëjtën linjë në raportimin e lajmeve për brazilianin Nejmar. "Marca" dhe "As" e kanë të vështirë të lexojnë zhvillimet që po ndodhin në kampin katalanas dhe vendimin që i ati i Nejmarit ka marrë. Ndërkohë, gazetat e Barcelonës "Sport" dhe "Mundo Deportivo" ishin të sigurta se Nejmar nuk ka asnjë shans të largohet nga ekipi, por dje u lëkundën në qëndrimin e tyre. Më shumë ato janë marrë me prapaskenat dhe bisedat që Nejmar ka pasur me lojtarët si Pike, Buskets, Mesi dhe Suarez për të qëndruar, sesa me atë që do të ndodhë në ditët e ardhshme.