Zyrtarizohet Bernardeski, tifozët në delir
Nga 1 deri te 99, që "të gjithë" janë të zënë
Numra të plotë, të përsosur, numra prim e shumë të tjerë pasi te Milani ekzistojnë të të gjitha natyrave. Revolucioni kinez ka prekur edhe numerologjinë e fanellave të kuqezinjve. Koha e zgjedhjes nga 1 në 11 ka perënduar dhe djemtë e Montelës janë prova e gjallë, madje mund të themi se e kanë tepruar disi. Numrin 1 e ka Gabriel, portieri i katërt i organikës, 11 Borini që ka pak shanse për të qenë titullar, pa harruar 4 dhe 7 të Maurit dhe Niang që janë me valixhet gati prej javësh. Formacioni duket sikur zbret në fushë me numra të huazuar nga basketbolli, por ja çfarë fshihet pas zgjedhjeve të numrave në "Milenelo".
#19 dhe #68 - Titullarë të ndryshëm e po aq të ndryshme zgjedhjet. 19 ishte aq e kërkuar a thua se flitej për një numër 10: Bonuçi, pasi e mori, ishte i lumtur si fëmijë, 1shi përfaqëson diellin dhe 9-ta Marsin (planetin). Kesi e përballoi mirë ndarjen nga numri i tij, me ndihmën e mamasë, por edhe me 79, që nuk është 19, efekti është i njëjtë vizualisht. 68 është një tjetër i numër i pazakontë dhe do të qëndrojë në shpinën e një milanisti që e zgjedh për nder të mamasë. Zonja Marsela, mamaja e Rikardo Rodrigez nuk jeton më, por i biri zgjodhi pikërisht vitin e saj të lindjes. #13 dhe #21 - Numrat e lavdisë kuqezi në një të kaluar jo edhe aq të largët. Romanjoli u nda jo pa dhimbje nga 46 e tij për të marrë trashëgiminë e Alesandro Nestës, ndërsa Lukas Bilja, me 21 shpreson të sjellë në "San Siro" sadopak elementë që kujtojnë Pirlon nga ato anë.
#9 dhe #10 - Shpirti neoklasik i futbollit në shpatullat e dy të rinjve premtues. Andre Silva zgjodhi 9, pas një jete të kaluar duke luajtur me dhjetën mbi shpinë, aq sa në Portugalinë e tij ende e thërrasin me nofkën "Dez" (dhjeta), numër të cilin tashmë e mban turku Çalhanoglu që jo më larg se tri ditë më parë tregoi se jo rastësisht ka numrin e fantazisë.
#99 dhe #90 - Për portierët nuk ka analogji me të kaluarën. Xhixho edhe pse titullar mban 99, ndërsa i vëllai 90. Storari ka ruajtur 30 e tij të hershme, ndërsa siç thamë numrin 1 e mban i fundit në rang hierarkie, Gabriel. 12-ën e zakonshme për portierin nuk e mban askush në atë rol. Ajo tashmë i përket Andrea Kontit, që në fushë mbulon rolin e mbrojtësit të krahut të djathtë. Dikur e kanë mbajtur Xhovinko dhe Borrielo, por për Milanin lidhet me finalen e Europianit të vitit 1988. Njëfarë Van Basten me atë numër, por mbi një fanellë portokalli realizonte një gol të cilësuar si perlë e futbollit. Holanda kampione Europe, oguri duket më se i kënaqshëm për një Milan që kërkon pikërisht elitën kontinentale.