Nejmar, zgjedhja e dytë e PSG-së pasi dështuan për Sançezin

Francezët u ndalën nga Venger në bisedimet për kilenin

PSG ka disa ditë që përflitet për një ofen sivë të mundshme për sulmuesin e Barcelonës, Nejmar. Në një deklaratë të trajnerit të francezëve, Unai Emeri, ky i fundit bëri të qartë qëllimet e parisienëve për të afruar një nga pesë sulmuesit më të mirë në qarkullim dhe pa dyshim Nejmar është njëri prej tyre. Ndërkohë që braziliani një ditë duket afër transferimit dhe ditën tjetër mendon qëndrimin në Katalunjë, mediat britanike zbulojnë një prapaskenë. Në fakt, sipas burimit të sipërcituar, PSG ka qenë fare pranë Aleksis Sançez të Arsenalit, por kërkesat ekonomike të "topçinjve" kanë detyruar sheikët e klubit francez të kërkojnë një alternativë tjetër për të përforcuar skuadrën. Flitet se kiliani ka pasur edhe një marrëveshje mbi pagën, por pretendimet e Arsen Vengerit për kartonin e 28vjeçarit kanë bërë që bisedimet të mbyllen një herë e përgjithmonë. Kur dukej se mundësitë për të afruar një yll në Paris ishin të pakta, në ekipin e Emerit u afrua Dani Alvesh duke formuar në "Parc Des Princes" një koloni të vërtetë brazilianësh, e cila, me sa duket, është faktori kryesor që ka ndikuar në orientimin e klubit për të blerë Nejmarin. Braziliani do të mbulohet me ar, pasi i ofrohen plot 42 milionë euro në sezon, teksa Barcelona nuk dëshiron të privohet nga sulmuesi i saj. Muri blaugrana ka detyruar sheikët që paratë e destinuara për Sançez t'i shtojnë edhe një pjesë tjetër disa qindra milionëshe, në mënyrë që të arrijnë të sigurojnë brazilianin për sezonin e ri. Në miqësoren e fundit të Barcelonës, kur djemtë e Valverdes mundën Juventusin, Nejmar

tregoi cilësitë e tij duke shënuar dy golat që u siguruan fitoren të tijve. Goli i dytë sidomos tregoi klasin e 2 ^ - vjeçarit, i cili vërtetoi se shumat që kërkohen për kartonin e tij përkojnë me vlerat reale që sulmuesi karioka shfaq në fushën e blertë.