Agalliu, kur goli vjen nga mbrojtja

Turbina arrin fitoren e parë pas katër takimeve miqësore të zhvilluara. Cërrikasit triumfuan minimalisht 0-1 ndaj Shkumbinit në Peqin, çka tregon se tashmë kjo skuadër po shkon drejt konsolidimit. Mbrojtësi Alken Agalliu ishte protagonist në atë ndeshje me golin e shënuar. "Kemi zhvilluar disa miqësore dhe pavarësisht lojërave të mira, nuk kemi marrë dot rezultat. Fatmirësisht në Peqin ekipi shfaqi grintë dhe dëshirë për fitore. Dominuam përgjithësisht lojën dhe krijuam shumë raste shënimi. Kjo paraqitje ka shumë rëndësi dhe është tregues i rritjes së nivelit të skuadrës. Jam natyrisht i lumtur për fitoren dhe golin e realizuar", tha Agalliu, që vjen nga Akademia e Partizanit. Florenc Manari