"Me këto klauzola, vështirë të bëjmë më shumë"

Xhuzepe Marota është rikthyer të flasë me rastin e festës së Juves në qendrën "Vijar Perosa" dhe ka qetësuar tifozët e shqetësuar nga merkato: "Kemi në gatishmëri një organikë shumë të vlefshme dhe si pasojë do të ecim përpara, edhe pse nuk marrim lojtarët që shumica kërkon", ka thënë drejtuesi bardhezi. Gjithmonë i qartë në lidhje me objektivat: "Qëllimi është të jemi në garë që në maj për gjithë trofetë në dispozicion". Në lidhje me merkaton, jep një mesazh shumë të qartë: "Mbeten edhe 15 ditë nga mbyllja e seksionit të blerjeve dhe mund të ndodhë ende gjithçka. Por, skuadra jonë sot është e rregullt, ndaj nuk do të ndodhë asgjë e jashtëzakonshme. Çdo vit thuhet se është mbyllur një cikël. Megjithatë, kjo është më se normale kur një skuadër fiton shumë. Ashtu siç e kemi treguar gjatë gjashtë viteve të fundit, se jemi një model fitues dhe duam të vazhdojmë në këtë drejtim". Marota, në fund, ka lëshuar edhe një propozim: "Merkato duhet të ndalet në momentin që nis java e parë e njërit prej pesë kampionateve kryesore. Duhet të gjejmë një pikë të përbashkët, mes klubeve të Europë për një akord të këtij lloji: merkato është zgjatur përtej masës, duhet shkurtuar. Nuk mund të shndërrohet futbolli në një show me spektakle që pak kanë të bëjnë me vlerat sportive dhe me lojtarë që me përjashtimin e parë dezertojnë stërvitjen sepse duan të ndërrojnë fanellë".