Presidenti i Sportingut, 6 muaj pezullim sepse pështyu rivalin

Presidenti i Sportingut të Lisbonës, Bruno Karvajo, u pezullua gjashtë muaj nga çdo lloj aktiviteti sportiv. Numri 1 i kryeqytetasve portugezë ka marrë dënimin në fjalë pasi ka pështyrë presidentin e një tjetër klubi. Ngjarja ka ndodhur nëntorin e vitit të kaluar kur Sportingu mundte në transfertë 0-3 Sporting Arukën, presidenti i të cilës, Karlos Pinja (i dënuar me 20 muaj pezullim) pas disfatës u përpoq të hakmerrej ndaj kundërshtarëve nëpërmjet dhunës në tunelet që të çojnë në dhomat e zhveshjes. Pas incidentit klubi i Aroukës akuzoi presidentin Bruno Karvajo si provokues të këtij sherri pasi sipas tyre ai kishte pështyrë presidentin rival. Nga ana e tij klubi i Sportingut të Lisbonë sulmoi me kundërakuza duke deklaruar se ishte numri 1 i Arukës që kishte nisur gjithçka pasi kishte tentuar të sulmonte fizikisht homologun e tij.